Protectim Iuseleva From Olketa Apostate

Satan and olketa wea followim hem savve mekem olketa laea story for spoelem tru samting wea iumi bilivim for mekem faith blo iumi wikdaon. (2Co 11:3) For example, olketa lo Assyria tanem story wea tru for kamap laea story for discouragem pipol blo Jehovah. (2Ch 32:10-15) Olketa apostate iusim semkaen teknik distaem tu. Hao nao iumi shud ting lo olketa teaching blo apostate? Ting lo olketa olsem poison! No readim, no replyim olketa, or story abaotem olketa. Mas kwiktaem for luksavve lo information wea olketa apostate wakem, bikos hem savve mekem iumi for daotem Jehovah and organization blo hem. Iumi mas barava rejectim!​—Jude 3, 4.

WATCHIM VIDEO “TRAEM BEST FOR KEEPIM FAITH BLO IUFALA STRONG”!​—LELEBET PART LO VIDEO, AND THEN ANSAREM OLKETA KWESTIN HIA:

• Why nao iumi need for careful sapos iumi iusim olketa Internet forum?

  Ansa blo Iu

• Hao nao iumi savve followim advaes lo Rome 16:17?

  Ansa blo Iu