Taem Love Hem Blind
FROM MAN WEA RAET FOR WEKAP! LONG SPAIN
TINGIM wei for lukaotem wanfala girl for marit sapos iu no savve lukluk farawe and sapos young girl wea fitim iu savve kamaot nomoa bihaen hem dark finis. Hem nao samting wea emperor moth savve duim. Bat disfala spesol insect garem wankaen samting wea mekem disfala challenge isi for hem.
Long olketa month bilong summer, disfala insect wea bae lukaotem mere wan hem spendem olketa day bilong hem olsem wanfala fat caterpillar wea kaikaim eni kaikai wea hem savve faendem. So, kasem olketa month bilong spring, taem hem kamaot from kava bilong hem, disfala moth garem inaf kaikai for keepim hem for full laef bilong hem—wea hem tufala month nomoa.
From nomoa problem nao saed long kaikai, disfala emperor moth bae wari nomoa for faendem wanfala partner. Nomata olsem, sapos hem no iusim wankaen spesol samting wea hem karem, hem bae hard tumas for faendem, olsem wei for trae for faendem wanfala needle midolwan wanfala hip grass.
Tufala smol radar wea olsem plant grow kamaot long hed bilong disfala moth. Maet tufala nao barava spesol samting long earth wea savve smelem samting. And tu, olketa kwiktaem for smel savve and go bihaenem powder, or “perfume,” wea go aot from mere moth.
Nomata olketa mere wan no staka, strong smel bilong olketa savve kamap olsem signal. Radar bilong man moth hem strong tumas so hem savve smelem wanfala mere wan nomata hem stap samting olsem 11 kilometer farawe. So no eniting moa stopem hem, and gogo boy moth hem meetim mere partner bilong hem. Insaed world bilong olketa insect, love savve fit for blind—olsem long disfala example.
Creation bilong God hem fulap witim olketa interesting information and barava spesol plan! Man wea raetem Psalm hem raet olsem: “Olketa waka bilong iu planti tumas, O Jehovah! Evriwan long olketa iu wakem long wisdom bilong iu.”—Psalm 104:24.
[Piksa long page 10]
© A. R. Pittaway