“Love wea Hem Showimaot Muvim Mi”

Wanfala man from taon bilong Nis hem raetem leta go long branch office bilong Olketa Jehovah’s Witness long Yugoslavia and sei:

“Mi laek for sei thankiu. Evri day mi readim samfala chapter bilong Bible, and mi barava hapi tumas taem mi duim olsem. Distaem mi readim tu brochure Wanem Nao God Mas Kasem From Iumi? Mi laek for sei thankiu for datfala nambawan tul wea savve helpem man for minim Bible. Datfala brochure hem explainim evriting long simpol and isi wei.

“Mi barava laekem tumas datfala leson wea story abaotem Jesus Christ. Datfala love wea hem showimaot muvim mi, hao hem givim laef bilong hem for pipol wea hem no savve long olketa. Evriwan shud tinghae long sakrifaes bilong hem and shud showimaot thankiu bilong olketa for datwan.”

Mifala sure iu tu bae kasem gud samting from wei for readim datfala 32-page brochure Wanem Nao God Mas Kasem From Iumi? Witim datfala nambawan leson “Hu Nao Jesus Christ?” iu bae faendem tu samfala moa, olsem “Hu Nao God?,” “Wanem Nao Purpose Bilong God for Earth?,” and “Wanem Nao Kingdom Bilong God?” Sapos iu laek for kasem wanfala copy, raet long spes long daon and sendem long wanfala address wea fitim long page 5 bilong disfala magasin.

□ Sendem kam wanfala copy bilong brochure Wanem Nao God Mas Kasem From Iumi?

□ Plis kam lukim mi for wanfala free hom Bible study.