‘Magasin wea Man Mas Ting Raonem’

DAVID hem skulim law long Obafemi Awolowo University long Nigeria. No longtaem go nomoa, hem raet go long branch office bilong Olketa Jehovah’s Witness long datfala kantri and sei olsem: “Evritaem mi savve givim Wekap! magasin long wanfala professor long law long datfala university, wea 70 year. Wanfala morning, bihaen hem kasem olketa niu magasin, hem tok olsem long wanfala visitor wea kam long office bilong hem: ‘Samfala buk bae iu lukluk nomoa long olketa, samfala bae iu readim kwiktaem, and tu-thri nomoa iu readim gud and barava ting raonem. Wekap! hem wanfala magasin wea iu need for readim gud and barava ting raonem.’ ”

Long nara taem, David sei bihaen hem go aot from office bilong datfala professor, hem herem professor hia talem narafala visitor for readim Wekap! magasin. “Hem barava praisem deepfala research wea olketa wea raetem Wekap! duim and wei wea hem balance and tok stret. Mi herem hem sei: ‘Mi barava readim gud olketa magasin hia. God nao mas givim savve long olketa for raetem olketa nambawan article olsem.’ ”

Wekap! magasin savve teachim man and hem storyim planti subject. Winim evri samting, hem mekem iumi trustim promis bilong Creator insaed Bible abaotem niu world wea bae garem peace wea bae changem disfala system. Datfala 32-page brochure Wanem Nao God Mas Kasem From Iumi? hem mekhae long datfala purpose bilong God, hem givim information from Bible wea showim wanem iumi need for duim for God appruvim iumi. Iu savve kasem wanfala copy sapos iu raetem and sendem kam disfala pepa long address wea fitim wea stap long page 5 bilong disfala magasin.

□ Sendem kam wanfala copy bilong brochure Wanem Nao God Mas Kasem From Iumi?

□ Plis kam lukim mi for wanfala free hom Bible study.