Introduction blo Sekson 9

Disfala sekson, iumi bae lane abaotem olketa young pipol, olketa profet, and olketa king wea showim olketa garem strong faith lo Jehovah. Lo Syria, wanfala smol Israelite gele garem faith dat profet blo Jehovah savve healim Naaman. Profet Elisha trustim dat Jehovah bae protectim hem from olketa enemy blo hem. Hae Priest Jehoiada riskim laef blo hem for protectim young Jehoash from wicked granmami blo hem, Athaliah. King Hezekiah trustim dat Jehovah bae protectim Jerusalem, and hem no letem wat olketa blo Assyria talem for mekem hem fraet. King Josiah distroem evri idol lo land lo Judah, buildim bak temple, and leadim datfala nation for kam bak moa lo tru worship.