Smolfala Gele wea Kaen Tumas
NO LONGTAEM go nomoa, wanfala gele long Brazil wea 9 year nomoa, hem divaedem selen wea hem keepim for tufala samting. Hem putim 18 dollar long contribution box long Kingdom Hall for help peim olketa samting bilong kongregeson. Nara 25 dollar hem sendem long branch office bilong Olketa Jehovah’s Witness. Hem raetem wanfala short leta tu wea sei olsem: “Mi laek givim disfala selen for helpem waka wea gohed long world. Mi laekem tumas for helpem staka brata and sista long world for preachim gud nius. Mi givim disfala selen bikos mi lovem Jehovah.”
Mami and dadi bilong disfala smol gele lanem hem for duim best bilong hem for duim preaching waka. Olketa helpem hem tu for luksavve hem mas ‘iusim olketa gudfala samting wea hem garem for mekhae long Jehovah.’ (Prov. 3:9) Iumi tu laek olsem datfala smol gele. Iumi laek duim best bilong iumi for sapotim disfala Kingdom waka wea gohed long ples bilong iumi and long full world tu!