For Olketa Reader

Mifala pablisim disfala magasin wea iu readim start kam long July 1879. Start kam long datfala taem staka samting hem change, and disfala magasin tu hem change. (Lukim olketa piksa antap.) Start witim disfala Wastaoa magasin, bae iu lukim hem change moa. Wanem nao hem change?

Long plande kantri, staka pipol laek for go long Internet for kasem information. Distaem hem isi for faendem information abaotem eni samting wea olketa laek for savve. Pipol savve readim olketa buk, magasin, and niuspepa long Internet.

From pipol laek for read long Internet, mifala changem lukluk bilong datfala Web site www.pr418.com for mekem hem isi for pipol iusim. Olketa wea go long datfala Web site savve readim olketa buk wea stap long winim 430 languis. Bat start long January, samfala article wea iu savve readim long olketa magasin bilong mifala bifor, distaem bae hem stap long Internet nomoa and hem bae stap long English languis.a

From mifala bae putim olketa article long Internet, start witim disfala magasin, pablik Wastaoa magasin bae no garem 32 page olsem bifor, bat bae hem 16 page nomoa. Olketa pablisim disfala magasin long 204 languis. From hem bae garem 16 page nomoa, maet bae olketa savve transleitim long samfala languis moa.

Mifala hope olketa change hia bae helpem samfala pipol moa for garem chance for lanem tru samting long Bible wea savve sevem laef bilong pipol. Mifala laek for gohed provaedem staka interesting information long olketa magasin and long Internet. Diswan bae helpem pipol wea respectim Bible for savve long truth wea stap insaed Bible.

Olketa wea Pablisim