Theocratic Ministry Skul Review

Iumi bae storyim olketa kwestin hia long Theocratic Ministry Skul long week wea start long April 29, 2013. Date hem stap for week wea point hem kamap long skul mekem evriwan savve duim research taem olketa prepare each week.

1. Wanem important samting nao Jesus talem abaotem marit long Mark 10:6-9? [Mar. 4, w08 2/15 p. 30 par. 8]

2. Wanem nao hem minim for worshipim Jehovah long full soul? (Mark 12:30) [Mar. 4, w97 10/15 p. 13 par. 4]

3. Wanem nao “olketa hard taem wea mekem pipol wari tumas” wea Mark 13:8 story abaotem? [Mar. 11, w08 3/15 p. 12 par. 2]

4. Luke chekim olketa wanem buk bifor hem raetem Gospel bilong hem? (Luke 1:3) [Mar. 18, w09 3/15 p. 32 par. 4]

5. From iumi savve Satan “weitim eni chance” for testim iumi, wanem nao iumi shud duim? (Luke 4:13) [Mar. 25, w11 1/15 p. 23 par. 10]

6. Hao nao iumi savve followim wanem Luke 6:27, 28 talem? [Mar. 25, w08 5/15 p. 8 par. 4]

7. Why nao Jesus savve forgivim olketa sin bilong wanfala woman nomata Jesus no givim yet laef bilong hem olsem ransom sakrifaes? (Luke 7:37, 48) [Apr. 1, w10 8/15 p. 6-7]

8. Wanem nao Jesus minim taem hem tok olsem long 70-fala disaepol: “Mi lukim Satan hem foldaon finis from heven olsem laetning hem foldaon from skae”? (Luke 10:18) [Apr. 8, w08 3/15 p. 31 par. 12]

9. Taem ‘olketa saen showaot long sun, moon, and olketa star,’ hao nao datwan bae affectim pipol? (Luke 21:25) [Apr. 22, w97 4/1 p. 15 par. 8-9]

10. Waswe, hem dark for thrifala hour from moon nao haedem sun? (Luke 23:44) [Apr. 29, w08 3/15 p. 32 par. 4]