Theocratic Ministry Skul Review
Iumi bae storyim olketa kwestin hia long Theocratic Ministry Skul long week wea start long June 29, 2015. Date hem stap for week wea point hem kamap long skul mekem evriwan savve duim research taem olketa prepare each week.
Wanem samting wea no fitim nao Michal duim taem hem story long David, and wanem nao olketa wea marit savve lanem from diswan? (2 Sam. 6:20-23) [May 11, w11 10/1 p. 27 par. 9]
Wanem nao Nathan duim taem Jehovah stretem hem bikos hem talem David for buildim temple for Jehovah? (2 Sam. 7:2, 3) [May 11, w12 2/15 p. 24 par. 6-7]
Why nao Nathan storyim tokpiksa wea stap long 2 Samuel 12:1-7 and no talem stret nomoa long David hem duim bigfala sin? Hao nao disfala example hem helpem iumi for kamap gud long wei for teach? [May 18, w12 2/15 p. 24 par. 2-3]
Why nao hem isi nomoa for Absalom switim olketa Israelite, and wanem nao iumi savve duim for protectim iumiseleva from samfala wea olsem Absalom distaem? (2 Sam. 15:6) [May 25, w12 7/15 p. 13 par. 7]
Long wanem wei nao Jehovah provaedem wanem David needim taem hem kasem hard taem, and wanem nao iumi savve lanem from diswan? (2 Sam. 17:27-29) [June 1, w08 9/15 p. 6 par. 15-16]
Wanem nao iumi savve lanem from wei wea David hem fren gud witim Ittai, wanfala man from difren ples? (2 Sam. 18:2) [June 1, w09 5/15 p. 27 par. 7]
Long wanem wei nao olketa olo long kongregeson savve olsem Barzillai? (2 Sam. 19:31-40) [June 8, w07 6/1 p. 25 par. 12-13]
Why nao Jehovah faithful long David and hao nao datwan helpem iumi distaem? (2 Sam. 22:26) [June 15, w13 6/15 p. 17 par. 4]
Hao nao Nathan showimaot hem faithful for duim wanem God laekem, and wanem nao iumi savve duim for followim example bilong hem? (1 Ki. 1:11-14) [June 22, w12 2/15 p. 25 par. 1, 4-5]
Solomon mek excuse for maritim woman from Egypt. Olketa wanem samting nao maet samfala brata or sista mek excuse for duim nomata datwan againstim wanem God talem? (1 Ki. 3:1) [June 29, w11 12/15 p. 10 par. 12-14]