Kwestin Box

◼ Waswe, Iu Shud Stop for Study Witim Bible Study Bilong Iu?

Sapos Bible study bilong iu no gohed gud long spiritual wei, maet hem fitim nomoa for iu stop study witim hem. (Matt. 10:11) Ting raonem olketa kwestin hia: Waswe, hem evritaem stap taem iu go long hem for iufala study? Waswe, hem prepare firstaem bifor iufala duim study? Waswe, hem kam long samfala meeting bilong iumi? Waswe, hem story long olketa narawan abaotem wanem hem lanem? Waswe, hem followim wanem hem lanem long Bible? Hem gud for luksavve no evriwan semsem, so tingim tu age bilong hem and wanem hem fit for duim. And tu, sapos iu stop for study, iu shud talem hem long kaenfala wei and hem shud luksavve maet iufala savve study moa long future long taem wea hem fitim for hem duim datwan.—1 Tim. 2:4.