Askem Olketa Kwestin

Jehovah, “datfala hapi God” laekem iumi for enjoyim ministry. (1Ti 1:11) Iumi bae barava enjoyim ministry taem iumi kamap gud lo wei for preach. Wei for askem kwestin savve mekem man interest and hem isi for startim story. Olketa kwestin savve encouragem man for ting raonem samting. (Mt 22:41-45) For askem kwestin and then lisin, ‘hem showimaot olketa important lo iumi.’ (Jas 1:19) Ansa blo olketa maet helpem iumi for story gud witim olketa.

WATCHIM VIDEO HAPI TAEM IUMI KAMAP GUD LO WAKA FOR MEK DISAEPOL​—ASKEM KWESTIN, AND THEN ANSAREM OLKETA KWESTIN HIA:

• 

  Olketa wanem gudfala wei nao Jade showimaot?

• 

  Hao nao Neeta askem kwestin for showimaot interest?

• 

  Hao nao Neeta askem kwestin for mekem Jade interest lo gud nius?

• 

  Hao nao Neeta askem olketa kwestin for helpem Jade ting raonem samting?