Tingim Feeling blo Man

For tingim feeling blo narawan hem minim for luksavve lo tingting, feeling, wanem olketa narawan laekem, and need blo olketa. Iumi tingim narawan bikos iumi barava laek for helpem olketa and olketa bae isi for luksavve lo diswan. Taem iumi tingim olketa narawan lo ministry, iumi showim love blo Jehovah lo olketa, and diswan bae mekem pipol for laek for fren witim hem.—Php 2:4.

Wei for tingim feeling blo narawan hem no wanfala teknik nomoa, bat hem showaot lo hao iumi lisin, hao iumi story, tingting blo iumi, akson blo iumi taem iumi story, and feis blo iumi. Iumi showimaot iumi tingim narawan taem iumi interest lo wanem olketa duim. Iumi tingim wanem nao interest blo olketa, biliv blo olketa, and situation blo olketa. Iumi savve givim information and duim samting wea savve helpem olketa bat iumi no forcem olketa for change. Taem olketa willing for acceptim help blo iumi, datwan bae mekem iumi for barava enjoyim ministry blo iumi.

WATCHIM VIDEO HAPI TAEM IUMI KAMAP GUD LO WAKA FOR MEK DISAEPOL—TINGIM FEELING BLO MAN, AND THEN ANSAREM OLKETA KWESTIN HIA:

• 

  Hao nao Neeta tingim feeling blo Jade, taem Jade hem leit?

• 

  Hao nao Neeta tingim feeling blo Jade, taem Jade sei dat hem stress so hem no fit for study lo datfala day?

• 

  Hao nao Neeta tingim feeling blo Jade, taem Jade sei hem no savve hao for organize gud?