¿Naeʼgaʼ lalóqoʼ daʼ jenʼ ʼaléua taiỹi gaʼ ʼónaxaic nʼacháqaʼ?

Naʼ laqalasʼte naỹi noloxoʼte ỹaloxon daʼ sa qaỹáaque naʼ Lʼonataxanaxac ñiʼ Dios (Lucas 21:10, 11; 2 Timoteo 3:1-5).

Sóxote caʼliáic daʼ ỹʼaxátʼaguet janʼ Nede daʼ ʼuo naʼ sa nʼemáxa, ʼme naỹi secʼatenqátac. ʼEnaac naʼ necʼóxot sa ỹalaxaguet naʼ letʼal qataxa ʼuo naʼ siỹaxadipi qalhuaxaiqa qataxa ỹauotec janʼ laicaua qataxa noqopita naʼ neuálaxaỹaxacpi.

Nataʼen ỹʼaxat daʼ ʼuo naʼ letʼádaic nedáxa, laataxacpi, noqouáxa qataxa jalcote naʼ napiteʼna. Naỹi qanaʼchi naqáina jenʼ ʼuo.

Soʼ Jesús nataʼen ỹʼaxátʼaguet daʼ qoỹʼaxat gaʼ ʼónaxaiqa qadipíʼic jenʼ Lʼonataxanaxac ñiʼ Dios ỹima jenʼ ʼaléua (Mateo 24:14).

Daʼ Lónataxanaxac ñiʼ Dios ỹapalaxat qomle ỹima naʼ sa nóʼinpi (2 Pedro 3:13).

Sóxote jenaa daʼ ñiʼ Jehová noláxachiñi ỹima naʼ siỹaxadipi qalhuaxaicpi.

Soʼ Satanás qataxa naʼ demoniopi qoỹaʼuo daʼ neʼuaxánaguec.

Naʼ siỹaxadipi ʼme naquiáxana ñiʼ Dios nalégue jenʼ ʼaléua ʼme ʼuo daʼ nauotaxa, qataxa ʼuo daʼ nʼemáxa qataxa ʼuo daʼ ỹiỹamqáchiiñi. Huáʼa daʼ qaỹaʼte dʼoỹaac. Ỹima pʼiỹáʼaʼt naʼ siỹaxadipi.