¿Táʼnooche daʼ ỹileu soʼ Jesús?

Soʼ Jesús ỹileu qaidi ỹátaqta ỹiset daʼ naʼchi ʼeetaʼt daʼ qadecʼalaxa (Juan 3:16).

Ỹinoxodégue saaʼ tres noloxoʼte daʼ ỹileu soʼ Jesús, huoʼoi saaʼ ỹauoʼ decʼatenadéeʼga jasoʼ laiʼt, qanaʼchi ỹilodalégue daʼ ʼochíchiỹi. Ñiʼ Jehová necʼalaxadiséguem soʼ Jesús.

Copátʼa soʼ Jesús qanaʼchi naloxoneeta soʼ napostolpi.

Ñiʼ Jehová necʼalaxadiséguem soʼ Jesús. Ỹitaxa ỹanem daʼ maiʼchi lʼóiỹaxac ʼenáʼam naaʼ piỹem léʼecpi. Naỹi qanaʼchi pʼasáiỹi qataxa sa ỹiset daʼ ỹileu. Saaʼ lasoxoñiiʼs soʼ Jesús ỹauaátrʼeegue caʼlioʼ daʼ taiỹi daʼ piỹem.

Ñiʼ Dios necʼalaxadiséguem soʼ Jesús qanaʼchi ỹanaỹi daʼ netʼa daʼ Lʼonataxanaxac ñiʼ Dios (Daniel 7:13, 14).

Soʼ Jesús ỹan daʼ nachaalataxac qáʼa ỹisolégue jenʼ siỹaxadipi daʼ lesamaxataxac qataxa daʼ neleuaxa (Mateo 20:28). Chiỹaqaỹi sójoʼ, ñiʼ Dios ʼen ỹiset daʼ ʼuo daʼ qanchaalataxac qaỹaʼte loiquiaqaʼ.

Ñiʼ Jehová ỹiquetelégue ñiʼ Jesús caʼlioʼ daʼ ỹilolégue jenʼ ʼaléua netʼague daʼ piỹem. Qaláxasa sa ʼoonolec daʼ ỹilolegue. Nataʼen ʼuo gaʼ 144.000 siỹaxadipi láxadaicpi ʼme naʼague qomle daʼ piỹem daʼ qonecʼalaxadiséguem. Dójoʼ ʼónaxaic nʼonataxanaxac naqaida daʼ Lʼonataxanaxac ñiʼ Dios (Apocalipsis 14:1-3).

Dójoʼ Lʼonataxanaxac ñiʼ Dios nadálaxat qomle jenʼ ʼaléua ʼen ʼonaxaic nʼacháqaʼ. Qaỹa daʼ laataxac, naʼ necacháxac, daʼ nachoxodec qataxa daʼ noqouaxa. Naʼ siỹaxadipi ỹataqta máchiiñi qomle (2 Pedro 3:13).