¿Naeʼchisoʼme soʼ Jesús?

Ñiʼ Jehová namaxañi soʼ Jesús jenʼ ʼaléua (1 Juan 4:9).

Caʼlioʼ maliaxa qaỹa soʼ Adán, ñiʼ Jehová ỹíʼet soʼ ʼoonolec piỹem léʼec ỹáche ʼuo daʼ lichic. Daʼ ʼte seqáina mátac ñiʼ Jehová, qanaʼchi ñaquiáxanaq soʼme.

Caʼlioʼ copaʼague daʼ ỹíʼet, sójoʼ piỹem léʼec ñiʼ Dios ʼen niỹíʼña jenʼ ʼaléua. Jasoʼ ʼañole lenaxat María cʼoe huáʼña diʼ Belén. Soʼ lecʼóxot qoỹin lenaxat Jesús (Juan 6:38).

Caʼlioʼ maliaxa nétaʼña jenʼ ʼaléua, soʼ Jesús ỹaloxon daʼ ʼónaxaicaloic qataxa choxodénataxanaxaic ʼenáʼam ñiʼ Jehová. Chiỹaqáʼa naʼ siỹaxadipi sa ỹiỹotáaque soʼme. Qataxa dapaxaguenataxanec daʼ ỹátaqta ʼeesa daʼ detaxaỹáʼa ñiʼ Dios qaỹaʼte dʼoỹa.

Jalcote soʼ ʼónaxaic ʼme ỹíʼet soʼ Jesús, qaláxasa jalcote soʼ siỹaxadipi niquiỹaʼa soʼme (1 Pedro 2:21-24).

Nataʼen nataden naʼ léuaxaicpi qataxa ʼuo naʼ sóxote ỹileu qaláxasa necʼalaxatégue.

Naaʼ lemalaʼpi daʼ nʼamaqténataxanaxac niquiỹata soʼ Jesús souáxaʼchi soʼme qanaʼchi ʼenapegalo dapaxaguentaxátrapeec daʼ noqovínaxanaxac qataxa sa nóʼin daʼ lasoxoc.

Soʼme letʼalpi daʼ nʼamaqténataxanaxac ỹamaxalégue naʼ netʼalpi soʼ Roma léʼecpi qoỹiʼuaxan qataxa qoỹalaat soʼ Jesús.