¿Naeʼgaʼ qoʼmi ỹapaxaguenque daʼ ʼuo soʼ huétep letʼádaic?

Ñiʼ Dios nolaxáchiñi soʼme sa láxadaicpi, qaláxasa necʼalaxatéegue soʼ Noé qataxa soʼ lecʼóqoʼtepi (Génesis 7:11, 12, 23).

Sa ʼemỹi soʼ huétep coovlo saaʼ 40 noloxoʼte qataxa 40 piʼỹáxadi. Soʼ noxop ʼen damolíñi jenʼ ʼaléua, qataxa naʼ siỹaxadipi qalhuaxaicpi ỹima ỹileʼu.

Sauaʼ piỹem lase jauténaxaiqa ỹaxadéegue daʼ lʼóiỹaxac ʼme ỹáche siỹaxaua qanaʼchi huatreguet soʼ Satanás. Taỹa daʼ demoniopi.

Ỹisamaq soʼ nétraaue jasoʼ arca, naqaiso soʼ necʼalétaiỹi. Temaqaidi ỹivíta daʼ ỹileʼu soʼ Noé qataxa soʼ lecʼóqoʼtepi, ñiʼ Dios ỹitaxa ỹʼiỹílaxatoto qomle daʼ nachaalataxac qanaʼchi ỹiset daʼ naʼchi ʼeetaʼt daʼ nachaalataxaʼj.

Ñiʼ Dios ỹitaxa nolaxáchiñi qomle naaʼme sa láxadaicpi, qaláxasa necʼalaxatéegue naaʼme ʼónaxaicaloic (Mateo 24:37-39).

Soʼ Satanás qataxa soʼ demoniopi naʼchi ʼeetaʼt quétapeeʼuo daʼ sétaaque sa naquiáxana ñiʼ Jehová naʼ siỹaxadipi.

Naỹi, ʼuom naʼ siỹaxadipi sa nesétaaque daʼ naquiáxana naa ʼónaxaiqa laqataxaco ñiʼ Jehová, ʼenáʼam soʼ noloxoʼte soʼ Noé. Ñiʼme ỹamtaaʼle noláxachiñi ỹima naʼ siỹaxadipi qalhuaxaicpi (2 Pedro 2:5, 6).

Qaláxasa nataʼen ʼuo naʼ siỹaxadipi ʼenáʼam soʼ Noé qataxa ỹíʼet naʼ lamaxasóxonaxac ñiʼ Dios. Naqáina jenʼ testigopi ñiʼ Jehová.