Sesógaxañi
Ñiʼ Dios qoʼmi ỹauoteque, ʼenáʼam daʼ netʼa (1 Pedro 5:6, 7).
Ñiʼme naqaiñi ñiʼ maiʼchi qadetʼa, souáxaʼchi qoʼmi ỹíʼet. Naʼ nʼootam netʼa dʼactapelóote naʼ lecʼóxoʼte qataxa ỹapaxaguen qáʼa sétaaque ʼónaxaic daʼ lasoxoc. Ñiʼ Dios naʼchi ʼenáʼam qoʼmi dʼactapelóote. Chiỹaqáʼa ỹapaxaguétac ỹima naʼ siỹaxadipi netalégue jenʼ ʼaléua naqaida daʼ ʼónaxaic lasoxoc daʼ chaalataxac.
Ñiʼme qoʼmi ỹapaxaguenque naʼ ʼeesoda ʼme qoʼmi ʼen máchiiñi qataxa qoʼmi ỹanema daʼ qanaquitaxac.
Daʼ ñaquiáxanaxa, ñi Dios ỹʼaxategue daʼ qoʼmi ỹacoteeta, qoʼmi nequepaxatetalóoʼte qataxa qoʼmi ỹitauan.
Qataxa naʼchi ʼenáʼam qoʼmi ỹʼaxatema daʼ ʼuo daʼ qadecʼalaxa ʼme qaỹaʼte loiquiaqaʼ.