¿Naeʼgaʼ ʼéeta daʼ ñaquiáxanaxa ñiʼ Dios?

Ñiʼ Dios qoʼmi detaqatapiñalo chimaqtapeelégue janʼ Biblia (2 Timoteo 3:16).

Naaʼ léenataxaco ñiʼ Dios huetralégue janʼ Biblia. Naʼchiñi caʼlio ʼen dedáxan soʼ siỹaxadipi. Ñiʼ Dios noqopita daʼ saỹátenaq naʼ huetralégue janʼ Biblia ʼme ỹʼoxodáchi nʼaqtaqa.

Qaỹaʼte ỹágueegue daʼ laỹátenaxanaxac ʼoonolec ñiʼ Dios. Ñiʼme ỹaỹáten náiʼchaqaiga gaʼ qadasoxoc ʼónaxaic. Daʼ ñaquiáxanaxa Ñiʼme, qanaʼchi saỹátenaq daʼ sʼatetalegaq naʼ nʼóota (Proverbios 1:5).

Ñiʼ Dios sétaaque ỹima naʼ siỹaxadipi ỹitaxaỹaxan janʼ Biblia. Tadeetoʼ, sa nalóta naʼ sóxote qonesoỹídiñi lʼaqtacpi naʼ siỹaxadipi.

Daʼ sétaaque ñaquiáxanaxa ñiʼ Dios qanaʼchi setaxaỹaxanaq janʼ Biblia qataxa ỹátaqta semacháxa.

Siỹaxadipi nétʼaña naʼ ỹima jenʼ ʼaléua naquiáxatapega ñiʼ Dios (Mateo 28:19).

Naʼ testigopi ñiʼ Jehová ỹiset daʼ ʼam ỹitauan daʼ ʼamachíỹalo naʼ huetralégue janʼ Biblia.

Ỹima jenʼ ʼaléua jenʼme dapaxaguenataxatrapeec daʼ ñiʼ Dios ỹátaqta ʼeesa.

Sa qoỹiseeten daʼ lapaxaguenataxanaxac. Nataʼen ỹiset daʼ ʼauateton ñiʼ Dios daʼ ʼaucʼátetapeeʼuo naʼ lemaxaqui naʼ testigopi ñiʼ Jehová.