¿Naeʼchigaʼme noqoʼ gaʼ ỹátaqchiiñi Dios?

ʼUo ñiʼ ʼoonolec ỹátaqchiiñi Dios, ʼme lenaxat Jehová (Salmo 83:18). Ñiʼme sa diʼỹoq, tadeetoʼ sa ỹiset daʼ selaqáʼa. Ỹáche qoʼmi ỹauoteque qataxa sétaaque sauotaxac. Nataʼen sétaaque daʼ sauotaxac naʼ siỹaxadipi laỹi (Mateo 22:35-40). Qaỹaʼte napacalégue, qáʼa lʼonatac naʼ chaqainasat.

Soʼ ʼuáichiiñi lʼonatac ʼoonolec piỹem léʼec ʼuo daʼ lichic. Naỹi qoỹʼamaqaʼaʼt daʼ naqaiso soʼ Jesucristo. Ñiʼ Dios naʼchi ʼenáʼam ỹitaxa ỹaʼuo soʼ lʼonatac saqalóta piỹem léʼecpi.

Ñiʼ Jehová lʼonatac ỹima naʼ ʼuo naʼ piỹem... qataxa ỹima naʼ ʼuo jenʼ ʼaléua (Apocalipsis 4:11).

Ñiʼ Jehová ỹíʼet naʼ huaqchiñipi, jenʼ ʼaléua qataxa ỹima jenʼ huetalégue jenʼme ʼaléua (Génesis 1:1).

Ñiʼ Jehová ỹíʼet soʼ Adán, ʼme ʼuáichiiñi siỹaxaua, ỹachiỹoxotaỹi jenʼ ʼaléua sochi (1 Corintios 15:47).