¿Naeʼgaʼ ʼéeta daʼ chaalataxac soʼ ʼónaxaic nʼacháqaʼ lenaxat Edén?

Ñiʼ Dios jalcote soʼ nóʼin ỹanem soʼ Adán qataxa jasoʼ Eva (Génesis 1:28).

Ñiʼ Jehová ỹíʼet jasoʼ Eva, jasoʼ ʼuáichiiñi ỹauo, qanaʼchi ỹanem soʼ Adán, daʼ ʼen daʼ loua (Génesis 2:21, 22).

Ñiʼ Dios ʼen nalóchiiñi soʼ Adán qataxa jasoʼ Eva. Daʼ leenataxaco qataxa naʼ lʼóiỹaxac qaỹaʼte lesamaxataxaco.

Nétraʼña caʼlioʼ soʼ ʼónaxaic nʼacháqaʼ lenaxat Edén: soʼ nʼacháqaʼ ỹáche ʼónaxaic ʼuo soʼ ñáchi, ʼuo naʼ ʼepaqpi qataxa naʼ síiỹacpi. ʼUo daʼ lodiac.

Ñiʼ Jehová detaqatapeeʼto caʼlioʼ qataxa ỹapaxagueetʼape. Daʼ naquiáxatreguet qataxa ỹalaxatreguet ñiʼ Dios, qanaʼchi ỹiset daʼ qaỹaʼte loiquiaqaʼ daʼ nachaalataxaʼj huáʼña toqoʼ soʼ ʼónaxaic nʼacháqaʼ.

Ñiʼ Dios lʼaqtac daʼ sa ỹiset daʼ ỹalic jasoʼ ʼoonole ʼepaq jala (Génesis 2:16, 17).

Ñiʼ Qadetʼa ỹaloxonalo soʼ ʼoonole ʼepaq soʼ Adán qataxa jasoʼ Eva, qataxa ʼenaaco daʼ ʼuana ỹalic naʼ jala. Daʼ ỹaliʼj jasoʼ ʼepaq jala qanaʼchi huáʼa daʼ ỹileʼu.

ʼOonolec soʼ piỹem léʼec nepʼaguéʼne ñiʼ Dios. Soʼme piỹem léʼec qalhuaxaic ʼme naqaiso Satanás soʼ Diablo.

Soʼ Satanás sa ỹisiquianaxáʼa daʼ ỹalaxateguet ñiʼ Jehová. Qanaʼchi dʼonataxana soʼ nanaic, ʼenapéga jasoʼ Eva daʼ ỹalic jasoʼ ʼepaq jala ʼme sa qoỹasen qanaʼchi sa ỹileu. Naʼchi ʼenáʼam ʼenapéga ỹiset daʼ ʼenáʼam ñiʼ Dios. ¡Degueseda daʼ loqovínaxanaxac! (Génesis 3:1-5).