¿Naeʼgaʼ lauéguec daʼ naquiáxata soʼ Satanás?

Daʼ sa ỹalaxatreguet ñiʼ Dios, qanaʼchi soʼ Adán qataxa jasoʼ Eva ỹileʼu (Génesis 3:6, 23).

Jasoʼ Eva ỹalaxaguet soʼ nanaic qanaʼchi ỹalic jasoʼ ʼepaq jala ʼme sa qoỹasen. Ỹim qanaʼchi ỹanem soʼ Adán qanaʼchi nataʼen ỹalic jasoʼ ʼepaq jala.

Sójoʼ ỹauótee ỹáche sa nóʼin: naqaidaʼ daʼ lesamaxataxac. Ñiʼ Dios ỹichiỹódaiỹi soʼ Adán qataxa jasoʼ Eva, chiỹoqodalégue soʼ ʼónaxaic lʼacháqaʼ.

Huáʼa daʼ qalaqalégue daʼ nachaalataxaʼj qataxa saaʼ lecʼóqoʼte. Daʼ copʼalo qanaʼchi ỹʼaxaicácheelo ỹim qanaʼchi ỹileʼu. Sa tátregue daʼ piỹem, qaỹaʼte ỹitaxa tátregue naʼchidáta daʼ qaỹaua.

Naʼ napaʼlpi taỹa naʼ ʼaléua sochi chanʼeesa sa ỹiset daʼ ʼuo gaʼ ʼéeta (Génesis 3:19).

Ỹima sachíỹoxosqaiỹi soʼ Adán qataxa jasoʼ Eva. Tadeetoʼ, qadeleu. Naaʼ sóxote ỹileʼu sa ỹiset daʼ decʼatenaxáatac, naquiáxatac qataxa sa ỹiset daʼ ʼuo gaʼ ʼéeta (Eclesiastés 9:5, 10).

Ñiʼ Jehová sa ỹisiquiaxanáʼa daʼ ỹileu naʼ siỹaxadipi. Ỹamtaaʼle ỹivíta daʼ ỹitaxa ỹʼiỹílaxatot daʼ nachaalataxac naʼ napaʼlpi. Daʼ ỹalaxateguet qomle ñiʼ Dios, qanaʼchi sa ỹiset daʼ ỹitaxa ỹileʼu. Naʼchi ʼeetaʼt daʼ nachaalataxac.