PARTE 6

Keʼe tjaguaná thi kuʼen ngai Diluvio

Dio ta gu̱en chujni ke bithikauʼan ko kuengijna Noé ko ni nchianduʼe para ke be̱ʼana (2 Pedro 2:5, 6)

Arca tagitau’en jinda ko chujni ke bithikau’an ta tekju’ena jinda ko ni ángeles sakjuixina de nthi’i ngatha’a nunthe

Kuexiʼin xinkájin chrin ko ta bijee chrin yuo kán nchaʼun ko yuo kán thie. Jinda ta kjuanutaun nguíxi Nunthe, ko kainxi chujni ke bancheʼe thi jiaʼan ta binthege̱ʼena.

Ni ángeles ke i bithikauʼan Dio sakjuixina de nthiʼi ngataʼa nunthe ko sarueena Inchiji o Xi Jiaʼan. Ko jai ó ni chujníi Inchiji o Xi Jiaʼan.

Noé, ni nchiandu’e ko kuxigo bachrjexina de ngai arca ko bikuna naa kunchechá ngajni

Juʼo ni bixiʼin ngai arca binthege̱ʼan. Bátho náno, Noé ko ni nchianduʼe kai ta binthege̱ʼena. Aro Dio sincheʼe ke singathjena inaa, ko nchao sinthéchuna anto sée ko i se̱ʼana.

Ó tuin tsii nchaʼun ke Dio rukjan su̱en chujni ke ncheʼe thi jiaʼan aro sue̱ʼan thi ni ncheʼe thi jian jii (Mateo 24:37-39)

Inchiji o Xi Jia’an ko ni ángeles ke saruee dake’ena tsje thi sinchetjanji chujni

Inchiji o Xi Jiaʼan ko ni ángeles ke saruee thjeena kexrein sincheʼena para ke chujni tsiʼan thi ndáchro Jehová.

Jai, xraa are nchaue Noé, tsje chujni rinauʼana dithikauna thi ndáchro Jehová. Aro ó tuin tsii nchaʼun ke Jehová kai ta su̱en ni teʼi (Lucas 17:26, 27).

Ni testigo de Jehová tenchegundana Biblia para tetjaguena naa thi xii; naa thi xii jitsje’e ke ndáchro Thée Dio

Aro kai jii chujni jaña xraa Noé ke ncheʼena thi thetuʼan Dio. Yaa ni testigo de Jehová.