PARTE 5

Thi kuʼen ngai Diluvio: kekaa ni bithikaun thi ndáchro Dio

Are nchaue Noé chujni bancheʼena anto tsje thi jiaʼan (Génesis 6:5)

Ni ángeles ke juinche’e xraju’o ke Inchiji o Xi Jia’an ta kjana xraa chujni para ke nchao bintheka’una nchrii

Adán ko Eva binthechundana chja̱n, ko jíkua ta kútsje chujni ngataʼa Nunthe. Kuthéjan, ícha ni ángeles juincheʼena xrajuʼo ke Inchiji o Xi Jiaʼan ko i bithikauʼana Dio.

Sajuiina ngataʼa Nunthe ko ta kjana xraa chujni ixi juinauna ruinthekaʼuna nchrii. Binthechundana chja̱n anto jiaʼan ko ícha tsanga kjui xan ke ícha chujni.

Naa xichjan jithaya ngai naa jana’a ke jixrua xe’en; ni nefilim, xe’en ni ángeles ke juinche’e xraju’o ke Inchiji o Xi Jia’an, anto jia’an kjuina

Nunthe ta kaun de chujni ke bancheʼe thi jiaʼan. Thée Dio ndáchro ke thi jiaʼan ke bancheʼe chujni anto ta kútsje ko ke chujni juʼo baxraxauna keʼe thi jiaʼan runcheʼena.

Noé bithikaun thi ndáchro Dio ko juinchechjian naa arca (Génesis 6:13, 14, 18, 19, 22; Hebreos 11:7)

Noé kjui naa xii ke bancheʼe thi jian jii. Jehová ndáche ke ta rugu̱en kain chujni jiaʼan ke binthe. Rugu̱énxina jinda, kunixi naa chrin anto súji, ke biʼin diluvio.

Noé ko ni nchiandu’e juinche chjiana naa arca

Dio ndáche Noé ke runchechjian xraa naa nchia de nthaa anto jié ke nchao ta rugetauʼen jinda: thi biʼin arca de Noé. Jeʼe ko ni nchianduʼe chunda ke rugixiʼina nthiʼa ko ruxranxiʼina thuʼa de kainxi kuxigo.

Noé juinchenu’e chujni ixi rukii naa nchrin anto súji, aro chujni kjuanuankana

Noé juinchenuʼe chujni ixi rukii naa chrin anto súji, aro bithikauʼana thi ndáchro. Inchina kjuanuankana, ko íchana anto guñauna.

Noé ko ni nchiandu’e xranxi’ina kuxigo ngai arca

Are Noé jueʼe juinchechjian arca, xranxiʼin kuxigo.