Unda ixi be̱ʼen Jesús

Jesús be̱ʼen ixi jaʼana mexinxí nchao sunthechuná anto sée ko i se̱ʼaná (1 Juan 4:9)

Are ó xéthja nii nchaʼun ke ta be̱ʼen Jesús, inchi ni nchrii kjuina bitsjeʼena thi bixrabaa aro i bithjaʼana. Jehová ó ta juinchengathje.

Kuthéjan Jesús kununxi thi binthe ni jian baxrakao, ni apóstol.

Are binganthje i kjaʼan xraa chujni. Jeʼe sákjan ngajni, ko nthiʼa jii xraa ni ángel. Ni discipulo bíkuna are jeʼe sakjui ngajni. Ko jai jeʼe thi ángel ícha súji ko i ta se̱ʼan.

Dio juinchengathje Jesús para ke jeʼe thi tsetu̱ʼan ngai Nchixiʼin (Apocalipsis [Revelación] 11:15)

Ixi guankuʼuná thi jiaʼan ko ta de̱ʼená, Jesús be̱ʼen ixi jaʼana (Mateo 20:28). Mexinxí, Dio nchao nthanthuxianá jai ke sunthechuná anto sée ko i se̱ʼaná.

Jehová kuincheʼe Jesús para ke tsetu̱ʼan ngataʼa Nunthe desde nthiʼa ngajni. Aro jeʼa juʼo jeʼe thi tsetu̱ʼan. Kai sinthe 144.000 chujni ke dithikaun. Ni teʼi tsjina ngajni are rukjan singathjena inaa. Ko nchixin jiʼi jaán sincheʼe jie̱ ixi yaa Nchixiʼin Dio (Apocalipsis [Revelación] 14:1-3).

Nchixin jiʼi sincheʼe ke nguíxi Nunthe ta rukjan naa nthajie anto chrjuin seʼe. I tsetuʼana, i seʼa ni theé, i seʼa ni núa ko ni senxi ji̱ntha. Ko chujni anto chrjuin tsunuʼena ko rucheena (2 Pedro 3:13).