PARTE 9

Késa ta rukjan Nunthe naa nthajie anto chrjuin seʼe

Thi tangi ke dutaná jai tjago ke Nchixiʼin Dio ó tuin tsii (Lucas 21:10, 11; 2 Timoteo 3:2-5)

Ncha’un ta jithjexi te’i ji’i thi chijni ícha dikuni: chujni thjee sácha ícha tumi, thetuna ko duen chuuna,chiin, jintha, chjan i dithikau’an xan ni ndu’a xan ko chijni ngai naa nchia

Ó chunda tsje náno, Thée Dio báji̱n ke rukuʼen anto tsje chijni ke jaʼana dukuná jai. Ndáchro ke chja̱n i sithikauʼan xan ni nduʼa xan ko chujni tsexiʼina sincheʼena tsje thi anto jiaʼan, sinauna ruchundana ícha tsje túmi ko sincheʼena juʼo thi anto nchexruxiʼina.

Kai, báji̱n ke tsingi nunthe, chujni tsetuna ko su̱en chuuna, seʼe chujni ke senxi ji̱ntha ko tsunúnxi tsje chi̱n. Ko yaa thi tedukuná ke jituʼen jai.

Naa ni testigo de Jehová jitjague naa thi xii kexrein sige’e are ó tsii Nchixi’i Dio

Jesús ndáchro ke chujni de nguíxi ngataʼa Nunthe tsi̱ʼina juajna jian de Nchixiʼin Dio (Hechos 1:8).

Nchixiʼin Dio sinthjían kainxi thi jiaʼan (2 Pedro 3:13)

Tase’en ni nche’e thi jia’an ngai Armagedón kuthéjan Inchiji o Xi jia’an ko ni ángeles ke saruee kai tasinthege’ena

Jehová ó tuin ta su̱en kain chujni ke ncheʼe thi jiaʼan.

Inchiji o Xi Jiaʼan ko ni ángeles ke saruee kai ta sinthege̱ʼena.

Desde ngajni Jesús je’e tsetu’an; ko chujni de nguixi ngatha’a Nunthe anto cheena

Chujni ke dithikaun thi ndáchro Dio sinthena ngai naa nunthe ke kainxi chujni ruthjueʼe chuo, i tsetuʼana ko ndakua suan jie̱, ko i xruʼin kense ruxraun. Kainxina nchao ruchundia chuuna.