Kexrein nchao jian tsjiʼi ni té ngai naa nchia

Si ni té ngai naa nchia thjueʼe chuuna jian tjiʼina (Efesios 5:33)

Thée Dio ndáchro ke juʼo nchao tsutheʼe naa xii ko naa nchrii.

Naa xii ke rinao chriʼi anto thjueʼe nchra ko táxi nchra juachjaun.

Nchrii kai thengijna xixiʼi.

Chja̱n chunda ke sithikaun xan ni nduʼa xan.

Ni dinthekutheʼe tsinthueʼana de ruthjueʼe chuuna ko sincheyeʼa chuuna (Colosenses 3:5, 8-10)

Thée Dio ndáchro ke ni xii chunda ke ruthjueʼena chriʼina jaña xraa jeʼena, ko ni nchrii chunda ke tsjaguna ke ncherenthena xixiʼina.

Juʼo nchao sinthejuakaʼo chuo yuo chujni ke ó dinthekutheʼe. Ko juʼo tsutheʼeni ngai nákua chujni.

Thée Dio tjago kexrein nchao jian tsjiʼi ni té ngai naa nchia.