LECCIÓN 16
Keʼe juincheʼe Jesús are beʼe ngataʼa Nunthe
Tsje chujni are nichjana de Jesús, juʼo xraxauna de naa xan letsjo, de naa ni dajin ke anto nuʼen o de naa xii ke utajide̱ʼen. A dexraxaun suixin ke si tsanginá de thi juincheʼe Jesús are beʼe ngataʼa Nunthe icha jian satsuaná. Ngai lección jiʼi, rutsjeʼená inchi thi anto renthe ke juincheʼe Jesús ko keʼe chunda ke sikun jiʼi ngajintha.
1. Kexeʼe xrá icha renthe bechunda Jesús
Thi xrá icha renthe bechunda Jesús yaa “baikao juajna jian de Nchixiʼin Dio” ngai chujni (tsjeʼe Lucas 4:43). Bikao juajna jian de naa nchixin ke rugintjian kainxin chijni ke chunda chujni.a Thi nii nano ko riuʼo, Jesús bikao juajna jian ngai chujni (Mateo 9:35).
2. Keʼe kjuago Jesús kunixin kain milagro ke juincheʼe
Biblia thekin tsje “thi nchegiseʼeni, ko tsje thi dikunxiʼani ke kjuaguxin Dio ixi jeʼe [Jesús]” (Hechos 2:22). Ixi Dio chjee poder Jesús, jeʼe nchao kuengatjen naa chrin anto suji, chjee juine tsje chujni, juinchexrueʼen tsje ni niʼin ko asta binchengathjen inchi ni tadinthege̱ʼen (Mateo 8:23-27; 14:15-21; Marcos 6:56; Lucas 7:11-17). Thi milagro ke juincheʼe Jesús kjuaguxin ke Dio rua̱ʼan. Ko kai kjuaguxin ke Jehová anto tsanga ko ke sintjian kainxin chijni ke jii.
3. Keʼe tjaguaná kexrein bechun Jesús
Jesús bagithikaun Jehová (tsjeʼe Juan 8:29). Bithikaun asta are tabe̱ʼen ko juincheʼe thi xrá ke bajun Ndudee maski binthe chujni ke juinauna rukayakuena. Kai kjuago ke chujni nchao sinchesayeʼena Dio maski sathuna tsje thi tángi. Ko jaña Jesús, “kjuaguʼara para ke sincheʼera jaña ínchi jeʼe juincheʼe” (1 Pedro 2:21).
TANGI ICHA
Rutsjeʼená kexrein bagikao Jesús juajna jian ko kexrein bancheʼe milagro.
4. Jesús bikao juajna jian
Jesús kuingaria tsje kilómetro para bikao juajna jian ngai tsje chujni maski anto bexrunda jinche ngai nthiʼa bakji. Tsjeʼera Lucas 8:1 ko tjaura de jiʼi:
A Jesús juʼo bagajun juajna jian are bakuncheen tsje chujni ngai.
Keʼe chunda ke juincheʼe Jesús para bithja chujni ke rukiʼin.
Dio ndachro ke Mesías rugikao juajna jian. Tsjeʼera Isaías 61:1, 2 ko tjaura de jiʼi:
Kexrein juinchexethja Jesús thi bajina.
A ruendachro suixin ke chujni jai nchauana rugundeʼena tsiʼina juajna jian.
5. Jesús kjuago tsje thi renthe
Jiʼa juʼo bagikao juajna jian de Nchixiʼin Ndo Dio, Jesús kai kjuago keʼe thi nchao sincheʼeni. Tsjeʼera inchi de jiʼi ke dachrjexin de ngai Sermón del Monte. Tsjeʼera Mateo 6:14, 34 ko 7:12, ko tjaura de jiʼi:
Kekaa thi ndachro Jesús ngai versículo teʼi.
A dexraxaun ke jiʼi nchao tsengijna chujni jai nchauana.
6. Jesús bincheʼe tsje milagro
Jehová chjee Jesús juachaxin para ke runcheʼe tsje milagro. Rutsjeʼená naa de jiʼi, tsjeʼera Marcos 5:25-34 o tsjeʼera VIDEO. Kuthejan tjaura de jiʼi:
Ínchi bukuna ngai video, keʼe binuʼen thi nchrii ke beniʼin.
Keʼe thi benthaxruxiʼan de milagro jiʼi.
Tsjeʼera Juan 5:36 ko tjaura de jiʼi:
Keʼe “tjago jian” kain milagro ke juincheʼe Jesús.
A benuʼan
Kainxin thi nuana de Jesús yaa dunthuuna ngai thi nuo Evangelio ke dikiaʼo Biblia. Ni kji̱n thi nuo Evangelio teʼi yaa -Mateo, Marcos, Lucas ko Juan- ni teʼi kuekina anto tsje de Jesús. Kain thi kuekina yaa xrajuʼo ko jiʼi tjaguaná kain thi juincheʼe Jesús are juii ngataʼa Nunthe.
MATEO
yaa thi saʼo xrun kji̱na de xrun Evangelio. Xrun jiʼi tjaguaná kain thi kjuago Jesús, naa thi anto renthe yaa de thi ndachro de Nchixiʼin Ndo Dio.
MARCOS
kji̱n xrun Evangelio icha nchiin. Ngai xrun jiʼi anto nthagiseʼená ixi kain thi thekin xrun.
LUCAS
tjago unda ixi anto renthe thenchaun ko kexrein chrjuinxin binuʼen Jesús ngai ni nchrii.
JUAN
ndachro kexrein chrjuinxin binuʼen Jesús, ko naa thi kji̱n yaa kexrein bakjao Jesús ni jian baxrakao ko ni icha.
THI XRAXAUN INCHINA: “Jesús kjui naa xii jaña xraa jaʼana, ko juʼo yaa”.
Keʼe dexraxaun suixin.
THI KUANGINÁ
Jesús bikao juajna jian de Nchixiʼin Dio, juincheʼe milagro ko bithikaun Jehová.
A xraxaun thi kuangi
Kexeʼe thi xrá icha renthe bancheʼe Jesús are beʼe ngataʼa Nunthe.
Keʼe kjuago Jesús are bancheʼe milagro.
Kekaa thi kjuago Jesús nchao sunthuʼuna.
THJEE ICHA
De keʼe thi icha banichja Jesús.
“¿Por qué es importante para Jesús el Reino de Dios?” (La Atalaya, 1 de octubre de 2014)
Detsjeʼe unda ixi ndachruná ke kainxin thi milagro ke juincheʼe Jesús jaan denduaxin kuʼen.
“Los milagros de Jesús: ¿qué puede aprender de ellos?” (La Atalaya, 15 de julio de 2004)
Denchelee kexrein tabixingixin videe naa thi xii are kuangi ke Jesús jeʼa juʼo batsjeʼe ixi jeʼe.
“Lo más importante de mi vida era yo” (La Atalaya, 1 de octubre de 2014)
Tsjeʼera kekaa thi renthe juincheʼe Jesús are jeʼe bechun nthiʼi ngataʼa Nunthe.
“La vida de Jesús en la tierra” (La Biblia. Traducción del Nuevo Mundo, apéndice A7)
a Ngai lección 31 a 33 nthakianxiná jian keʼe ruchro Nchixiʼin Dio.