LECCIÓN 17
Kexrein nuʼen Jesús
Are ngui tsanginá de Jesús, thi juincheʼe ko thi ndachro are beʼe nthiʼi ngataʼa Nunthe, sukuna ke jeʼe anto chrjuin nuʼen ko jiʼi sincheʼe ke icha tsunchiauna ngai jeʼe ko Ndudee, Jehová. Kekaa inchi cualidad chunda ke tjaguaná kexrein nuʼen jeʼe. Ko keʼe tsengijnaná para ke sunthuʼuna xraa jeʼe.
1. Ngai keʼe dichjexin Jesús Ndudee
Utsje jino millón de nano Jesús tsjeʼe ko tangi de Ndudee. Mexinxin xraxaun, tunuʼen ko ncheʼe xraa jeʼe Ndo (tsjeʼe Juan 5:19). Ko mexinxin jeʼe ndachro: “Thi chujni bikuna jaʼan kai bikun Ndudana” (Juan 14:9). Si suixin segatsuan Jesús kai segatsuan Jehová. Naa de jiʼi, thi thukunueʼe Jesús chujni, jiʼi tjago thi tunuʼen Jehová ixi suixin.
2. Kexrein kjuago Jesús ke thjueʼe Ndudee
Jesús ndachro: “Para ke chujni tsunuʼen ke jaʼan thjuaa Ndudana, nthaʼa ínchi jeʼe ndachro” (Juan 14:31). Are Jesús beʼe nthiʼi ngataʼa Nunthe, jeʼe kjuago kexrein thjuexin Ndudee are bithikaun maski icha tángi batho. Kai, Jesús anto banchexruxiʼin bakjago de Ndudee ko kai bakengijna ni icha para ke kai ruxrakauna Ndo (Juan 14:23).
3. Kexrein tjaguxin Jesús ke thjueʼe chujni
Biblia ndachro ke Jesús “anto thjueʼe chujni” (Proverbios 8:31). Ko kjuago jiʼi are bakengijnana ko xruʼin bachuʼen de jeʼena. Juincheʼe anto tsje milagro aro jiʼa para kjuago ke anto tsanga, icha jian ixi bathukunueʼena (Marcos 1:40-42). Anto chrjuin banichjee kainxin chujni. Ko thi bandachro ko bakjago bancheʼe ke bachunthiana. Kai, bithuexin batho thi tángi ko be̱ʼen ixi kainxin chujni, aro icha thjueʼe thi ni dithikaun thi jeʼe kjuago (tsjeʼe Juan 15:13, 14).
TANGI ICHA
Tsanginá kexrein kjui Jesús ko rutsjeʼená kexrein nchao tsjaguná thi thjueʼeni ko thi dajuni de thi chundani xraa juincheʼe jeʼe.
4. Jesús thjueʼe Ndudee
Kunixin thi juincheʼe Jesús kjuaguaná kexrein ruthjueʼeni Dio. Tsjeʼera Lucas 6:12 ko kai Juan 15:10 ko 17:26. Kuthejan de sincheleera kain texto, tjaura de jiʼi:
Kunixin kain thi juincheʼe Jesús, kexrein tsjaguná jaʼana kai ke thjueʼená Jehová.
Jesús kjuago ke thjueʼe Ndudee mexinxin nanaun bagakeʼe thenchaun ngai jeʼe.
5. Jesús tajuachjaun ixi ni icha
Jesús anto bakaxin juachjaun ixi ni icha. Ko bakjago jiʼi maski anto bakunchrjen, banchegunda tiempoe ko thi tsangaxin para bakengijnana. Tsjeʼera Marcos 6:30-44 ko tjaura de jiʼi:
Ínchi ndachro nthiʼi, kexrein bakjaguxin Jesús ke bakaxin juachjaun ixi ni icha (Tsjeʼera versículo 31, 34, 41 ko 42).
Unda ixi kuengijna Jesús chujni (Tsjeʼera versículo 34).
Ixi Jesús tjago kexrein nuʼen Ndudee, keʼe tjaguaná jiʼi de Jehová.
Kexrein nchao tsjaguná ke taxiná juachjaun ixi ni icha xraa juincheʼe Jesús.
6. Jesús bagajun de thi bechunda
Maski Jesús dantuʼa tsje bechunda jeʼe bagajun, jiʼi tjaguaná ke jaʼana kai nchao sajuná de thi chundaná. Tsjeʼera Hechos 20:35 ko tjaura de jiʼi:
Ínchi ndachro Jesús, keʼe thi ncheʼe ke chaana.
Tsjeʼera VIDEO ko tjaura de jiʼi:
Kexrein nchao sajuná maski tsjeʼa chundaná.
A benuʼan
Biblia tjago ke are sakeʼená thenchaun ngai Jehová sanchianá ixi nombree Jesús (tsjeʼera Juan 16:23, 24). Ko jaña tsjaguná ke nthurenthena thi juincheʼe Jesús para ke jian xrakjiuʼuná Jehová.
THI XRAXAUN INCHINA: “Dio nduseʼan thi tuʼen chujni”.
Ixi Jesús tjago kexrein nuʼen Ndudee, kexrein tjaguaxiná ke Jehová jaan ntharenthená.
THI KUANGINÁ
Jesús thjueʼe Jehová ko kai thjueʼe chujni. Ko ixi Jesús tjago kexrein Ndudee, are icha satsuaná Jesús kai icha satsuaná Jehová.
A xraxaun thi kuangi
Kunixin thi juincheʼe Jesús, kexrein nchao tsjaguná ke thjueʼená Jehová.
Kunixin thi juincheʼe Jesús, kexrein nchao tsjaguná ke thjueʼená ni icha.
Keʼe thi icha denthaxruxiʼan de kexrein nuʼen Jesús.
THJEE ICHA
Detsjeʼe inchi cualidad de Jesús ke nchao sunthuʼuna.
“Imitemos el ejemplo de Jesús” (Jesús: el camino, la verdad y la vida, página 317)
Detsjeʼe unda ixi nthugundana nombree Jesús ngai thenchaun.
“¿Por qué orar en el nombre de Jesús?” (La Atalaya, 1 de febrero de 2008)
A ndachro Biblia kexrein kjui Jesús.
Keʼe tanginá de kexrein binuʼen Jesús ngai ni nchrii.
“Dios respeta y valora a la mujer” (La Atalaya, 1 de septiembre de 2012)