LECCIÓN 22
Kexrein nchao sekexinxin sekjiuʼo juajna jian
Are sekangi thi ndua ke jii ngaa Biblia, menxun sexraxaun: “¡Jiʼi chunda ke tsunuʼen kainxin chujni!”. Ko yaa jaan ndua; kainxina chunda ke tsunuʼena jiʼi. Aro menxun siduʼuntha juaxraun are sexraxaun kexrein sencheʼe para sekekin thi retangi. Rutsjeʼená keʼe thi sekengijna para ke sexrauʼan ko chrjuin sekunuʼan are sekexiʼin senichja de juajna jian ke jii ngaa Biblia.
1. Kexrein nchao sekexinxin sekekiʼin ni dechunxin de thi retangi
Ni baruee Jesús ndachruna: “Chruʼa tsinthuana de runichjaná de thi bikuná ko kui̱aná” (Hechos 4:20). Jeʼena anto bancherenthena thi ndua mexinxin juinauna rukekiina kain chujni de jiʼi. A xrajuʼo dekunuʼan suixin. Si jaan, dekjee kexrein sekekiʼin ni nchiandui ko ni jian dexrakjiuʼo de thi suixin retangi (tsjeʼe Colosenses 4:6).
Kexrein sekexinxin senichjeʼena
Are sekexinxin senichjeʼe ni nchiandui de thi jii ngaa Biblia nchao sendachro jaʼin: “Semana jiʼi kuangi naa thi binunaʼan”.
Are naa ni jian dexrakjiuʼo tsuniʼin o anto tsa juachjaun, dekjaguʼe naa texto de ngaa Biblia ke tsengijna.
Are ni denchekuʼo xrá seganchangiʼana kexrein bekjiʼa semana batho, nchao sekekiʼina thi bekangi ngai reunión o thi bekangi ngai xrun jiʼi.
Dekjaguʼe ni jian dexrakjiuʼo sitio de internet jw.org.
Dendache inaana ke nchao sinthena are suixin sekangi de Biblia o nchao sanchiana naa curso bíblico ngai sitio jw.org.
2. Unda anto renthe ke segachrjekuʼo ni chuuná are sekjiuʼo juajna jian
Ni baruee Jesús jiʼa juʼo bakekiina juajna jian chujni ke bechunxina. Jesús “rua̱ʼana de yuo ko yuuna ngai icha rajna” para ke ruikauna juajna jian (Lucas 10:1). Jaña icha tsje chujni kuiʼina juajna jian. Ko, ni baruee Jesús anto bacheena ixi banchekaʼo chuuna xrá (Lucas 10:17). Mee suixin, a nchao segachrjekuʼo ni chuuná para sekjiuʼo juajna jian de nchia ko nchia.
TANGI ICHA
Rutsjeʼená keʼe sekengijna para ke i dantuʼa sexraun ko kai keʼe sekengijna para ke sechaʼa are sekjiuʼo juajna jian.
3. Jehová seʼe ngajintha
Inchina anto xrauna are utsexiʼina sikauna juajna jian ixi thi runichja chujni de jeʼena.
Mee suixin are dexraxaun ke chunda ke sekekiʼin ni icha de thi retangi, a dexraun ani naʼi. Ixi unda.
Tsjeʼera VIDEO ko tjaura de jiʼi:
Keʼe kuengijna xan datho ngai video para ke i xrauʼan xan.
Tsjeʼera Isaías 41:10 ko tjaura de jiʼi:
Unda chunda ke segakee thenchaun si dexraun sekjiuʼo juajna jian.
A benuʼan
Jai jii uanto tsje ni testigo de Jehová ke are saʼo baxraxauna ke chruʼa ruikauna juajna jian. Ínchi naa thi xii ke diʼin Sergey. Jeʼe bakunuʼen ke xruʼin renthe ko anto tángi bakunuʼen runichjee chujni. Aro naa nchaʼun jeʼe kuexiʼin kuangi de ngaa Biblia. Ko jeʼe thekin: “Maski anto baxrauna, asta nuinka juinthaʼa kuekian ni icha de thi ritangi. Ko jiʼi anto kuengijnana, ko kai juincheʼe ke kain thi ritangi de ngaa Biblia icha tabithuʼe ngai ansena”.
4. Ndakua denichjeʼena
Saʼo de sekjiuʼo juajna jian jiʼa juʼo dexraxaun keʼe sendachro, kai kexrein sendachro. Tsjeʼera 2 Timoteo 2:24 ko 1 Pedro 3:15, ko tjaura de jiʼi:
Kexrein nchao sencheʼe thi ndachro nthiʼi are senichjeʼe ichana de thi jii ngaa Biblia.
Menxun jii inchi ni jian dexrakjiuʼo o ni nchiandui ke xraxauʼana xrajuʼo ke suixin. Keʼe nchao sencheʼe. Ko keʼe sencheʼa.
Unda ixi are tetjuanana ndakua runichjeenána aro rundacheʼanána keʼe thi chunda ke sithikauna.
5. Are nichjaná de juajna jian ncheʼe ke anto chaana
Jehová kuinthuʼe ngaa raa Jesús naa xrá anto renthe de ruikao juajna jian. Kexrein baikuʼen Jesús xrá jiʼi. Tsjeʼera Juan 4:34 ko tjaura de jiʼi:
Are jineni jiʼi ncheʼe ke chrjuin tunuʼeni ko thengijnani techuni. Unda ixi ndachro Jesús ke are ncheʼeni xree Dio, ínchi are dikauni juajna jian, jiʼi xraa are jineni.
Para suixin, keʼe thi sincheʼe ke chrjuin sekunuʼan are senichja de juajna jian.
Kexrein sekexinxin
Are deʼe reunión ngaa semana, detsjeʼe kexrein ncheʼe ni icha para ke nchao nichjeena chujni.
Dekjao ni dekangikuʼo keʼe chunda ke sencheʼe para ke usegatho ngai thi reunión ke deʼe ngaa semana. Thi senchegatho nthi̱ʼa sekengijna para sekexiʼin senichjeʼe ni icha de thi retangi.
Dechegunda sección ke diʼin “Thi xraxaun inchina” o “Thi danchangi inchina” ngai xrun jiʼi para sexraxaun kexrein nchao segatheʼe thi danchangi chujni.
THI DANCHANGI INCHINA: “Kexrein jithjiʼa. Keʼe juincheʼe jna”.
Are seganchangiʼana jiʼi, kexrein nchao sekexinxin senichja de thi retangi ngaa Biblia.
THI KUANGINÁ
Si runichjaná de juajna jian jiʼi sincheʼe ke anto ruchaana, ko para tsexiʼiná jiʼi dantuʼa tángi ínchi xraxauná.
A xraxaun thi kuangi
Keʼe sincheʼe ke sejinao senichja de juajna jian.
Kexrein nchao sencheʼe jiʼi tachrjuin.
Keʼe sencheʼe para ke i sexrauʼan.
THJEE ICHA
Detsjeʼe kexrein dunda tarjeta de contacto jw.org are sekjiuʼo juajna jian.
Detsjeʼe nuo cualidad ke sekengijna are sekjiuʼo juajna jian.
“¿Está usted dispuesto a ser pescador de hombres?” (La Atalaya, septiembre de 2020)
Detsjeʼe kexrein naa thi thekin Biblia thengijnaná para ruxrauʼaná are runichjaná de juajna jian maski xra ichjaná.
Detsjeʼe kexrein sekexinxin senichjeʼe de Biblia ni nchianduintha ke xra chunxiʼana Jehová.
“Cómo llegarles al corazón a familiares no creyentes” (La Atalaya, 15 de marzo de 2014)