LECCIÓN 02
Biblia thengijnaná ruchunthianá
Nguixin ngataʼa Nunthe, chujni detana tsje chijni, ke ncheʼe ke tadinthechiina, tana juachjaun ko thi̱ina. A chrujan bee begatho jiʼi. Menxun ridathuntha thi tángi ixi niʼantha o tabe̱ʼen naa ni nchianduintha, ko menxun deganchangi, a jaan sixingixin kain thi jituʼen anxun. Biblia datheʼe jiʼi.
1. Keʼe nthanthuxianá Biblia
Biblia nthakianxiná unda anto jii chijni nguixin ngataʼa Nunthe. Ko kai, ndathjuná ke kainxin chijni ke jii tasatho ko tasitjaan. Thi ndachro Biblia nchao sincheʼe ke suixin sechunthia ngai thi nandaʼa tsii (tsjeʼe Jeremías 29:11, 12). Jiʼi ncheʼe ke thixiana dathukjaná kain chijni ke dutana. Ko nchao chunthianá ke ngai nchaʼun nandaʼa tsii anto ruchaana.
2. Kexrein ndachro Biblia ke sigeʼe nchaʼun nandaʼa tsii
Biblia ndachro thi tsuʼen nchaʼun nandaʼa tsii ke “i se̱ʼana, i rutsjangaʼana, i seʼa juachjaun ko i xruʼin thi tsiina” (tsjeʼe Apocalipsis 21:4). I seʼa chijni ke ncheʼe ke dathuná thi tángi, ínchi thi nuuani, thi ndakuaʼa duan jie̱, chi̱n ko thi tade̱ʼeni. Biblia ndachro ke kainxin chujni nchao sinthechuna ngataʼa Nunthe ke tarukjan naa nthajie.
3. Keʼe sekengijna sechunthia ngai thi ndachro Biblia
Tsje chujni jaan xraxauna ke tasixingixin kain thi jituʼen, aro chruʼa chunthiana ke jiʼi denduaxin tsuʼen. Mee, keʼe tjago Biblia. Ke jaan nchao ruchunthianá thi ndachro si rutsjeʼená “kain nchaʼun” (Hechos 17:11). Jiʼi sekengijna para ke nchao sechunthia ngai nchaʼun nandaʼa tsii.
TANGI ICHA
Rutsjeʼená inchi thi ndachro Biblia ke tsuʼen nchaʼun nandaʼa tsii. Ko kexrein jiʼi jithengijna tsje chujni jai.
4. Biblia ndachro ke nchao sunthechuna ngai naa nunthe ke i xruʼin thi jiaʼan seʼe
Detsjeʼe inchi de thi ndachro Biblia. Kexeʼe de kain jiʼi denthaxruxiʼan ko unda.
Tsjeʼera kainxin texto ke jii nthiʼi ke tununxin ngai nanaa de thi ndachro Biblia ko tjaura de jiʼi:
A nchao ruchunthianá thi ndachro nthiʼi. Dexraxaun ngai ni nchiandui ko ni jian dexrakjiuʼo, a ko kai tsengijnana jiʼi.
A ruenthaxruxiʼan ruegariʼi ngai naa nunthe jaʼin:
XRUʼIN KENSEN. . . |
KAINXINA. . . |
|---|---|
|
|
|
|
|
|
|
|
|
|
5. Thi ruchunthianá ke ndachro ngaa Biblia yaa tsengijnaná jian tsjiana
Tsje chujni i dithikauʼana ko asta duñauna ixi kainxin chijni ke jii ngataʼa Nunthe. Ko inchina thjeena sasengixina thi jituʼen. Detsjeʼe kexrein thi ndachro ngaa Biblia ke sixingixin kain, jithengijna tsje chujni jai. Tsjeʼera VIDEO ko tjaura de jiʼi:
Ínchi ujuexin bukuna, keʼe bancheka juachjaun Rafika.
Maski thi jeʼe bancheka juachjaun bitjaʼan, kexrein kuengijna thi ndachro Biblia.
Thi ruchunthianá ke ndachro ngaa Biblia yaa tsengijnaná are tunuana ke i xruʼin nchao sunthuʼuna, ko icha jian sathukjaná chijni sinke dantuʼa tsaana juachjaun. Tsjeʼera Proverbios 17:22 ko Romanos 12:12, ko tjaura de jiʼi:
Kexrein degikuʼen ke thi ndachro ngaa Biblia, a jaan nchao sekengijna ko unda.
THI XRAXAUN INCHINA: “Thi ndachro ngaa Biblia yaa puede ni sikueʼan”.
Si jaan jii thi ndachro Biblia ke sikuʼen, a renthe ke tsanginá ko unda.
THI KUANGINÁ
Thi ndachro Biblia ke tachrjuin sunthechuna, jiʼi ncheʼe ke chunthianá ko thengijnaná para sathukjaná kain chijni ke jii.
A xraxaun thi kuangi
Unda rugunda ke chujni ruchunthiana.
Keʼe ndachro Biblia de nchaʼun nandaʼa tsii.
Keʼe sekengijna suixin para ke sechunthia.
THJEE ICHA
Dekangi icha thi ncheʼe ke chunthiani.
“Esperanza: ¿dónde hallarla?” (¡Despertad!, 22 de abril de 2004)
Dekangi kexrein thi chunthiani yaa thengijna ichana are techundana naa chi̱n.
“¿Puede la Biblia ayudarnos a sobrellevar una enfermedad?” (Artículo de jw.org)
Are setsjeʼe video de suun jiʼi, dexraxaun ke suixin ko ni nchiandui nchao sinthentha ngai Nunthe ke ndachro Biblia.
Detsjeʼe kexrein tabasengixin thi bancheʼe naa ni banichjaxin ni chujnii are kuangi de Biblia.
“Ya no siento la necesidad de cambiar el mundo” (La Atalaya, 1 de julio de 2013)