LECCIÓN 18
Kexrein tsunuanxiná kensen ni denduaxin naa ni cristiano
Tsje millón de chujni ndachruna ke cristianona, aro jiʼa kainxina xrajuʼo dithikauna ko xrajuʼo ncheʼena. Anche remee, kexrein tsunuanxina kensen ni denduaxin naa ni cristiano.
1. Keʼe ncheʼe naa ni denduaxin cristiano
Ni denduaxin cristiano rueena thi juincheʼe Jesús (tsjeʼe Hechos 11:26). Keʼe tjago ni denduaxin cristiano. Jesús ndachro: “Si sincheʼera thi jaʼan kjuago, jaʼara denduaxin ni ruena” (Juan 8:31). Jiʼi ruchro ke ni denduaxin cristiano chunda ke sithikauna thi kjuago Jesús. Ko kai kain thi tjaguna yaa dachrjexin de thi ndachro ngaa Biblia, jaña ínchi juincheʼe Jesús ke banchegunda Biblia para bakjague chujni (tsjeʼe Lucas 24:27).
2. Kexrein tjago ni denduaxin cristiano thi thjueʼeni
Jesús kuetuʼen ni baruee: “Thjueʼe chuura naara ko inaara jaña inchi jaʼan thjuaxira” (Juan 15:12). Kexrein kjuago Jesús ke bathjueʼe ni baruee. Bagantsjenda tiempo para jeʼena, bakengijnana ko banchesujina, asta be̱ʼen ixi jeʼena (1 Juan 3:16). Jaña xraa Jesús, ni denduaxin cristiano jiʼa juʼo nichjana de thi thjueʼeni; icha jian ncheʼena.
3. Kexeʼe xrá icha renthe chunda ni cristiano
Jesús kuetuʼen naa xrá anto rente ni baruee, “rua̱ʼan ni teʼi para sikauna juajna jian de Nchixiʼin Ndo Dio” (Lucas 9:2). Ni cristiano ke binthe are saʼo jiʼa juʼo baikauna juajna jian ngai thi baxrathexina para banchesayeʼena Dio, kai baikauna juajna jian ngai thi baxrathe icha chujni o de nchia ko nchia (tsjeʼe Hechos 5:42; 17:17). Jai nchauana ni denduaxin cristiano kai tjaguna thi ndua ke tjago Biblia ngai kexeʼo lugar. Ixi thjueʼena chujni, dantsjendana tiempoena ko thi tsangaxina para dikauna juajnee Ndo Dio para ke chujni ruchunthiana thi ndachro Biblia (Marcos 12:31).
TANGI ICHA
Rutsjeʼená unda jiʼa xrajeʼo ni denduaxin cristiano ko chujni ke ndachro ke ncheʼe xraa Jesús aro tjaguʼana thi jeʼe kjuago.
4. Thjeena thi ndua ke tjago Biblia
Ni denduaxin cristiano bancherenthena Thee Ndo Dio
Jiʼa kain ni ndachro ke cristiano denduaxin ncherenthena thi tjago Biblia. Tsjeʼera VIDEO ko tjaura de jiʼi:
Inchi ningo ke ndachruna ke kai cristianona juinauna rukayakuena ke chujni rukangina thi kjuago Jesús, kexrein juincheʼena jiʼi.
Jesús kjuago thi ndua ke jii ngaa Thee Ndo Dio. Tsjeʼera Juan 18:37 ko tjaura de jiʼi:
Ínchi ndachro Jesús, kexrein denduaxin satsuani ni denduaxin cristiano ke “tena ngai thi ndua”.
5. Dikauna juajna jian ke jii ngaa Biblia
Ni denduaxin cristiano baikauna juajna jian
Saʼo de sarukji Jesús ngajni, jeʼe kuetuʼen ni baruee naa xrá anto renthe ke asta jai nchauana xra jituʼen. Tsjeʼera Mateo 28: 19, 20 ko Hechos 1:8, ko tjaura de jiʼi:
Asta thi kesa ko asta thino chunda ke ruikauna juajna jian.
6. Tjaguna kunixin thi ncheʼena
Unda ixi binuʼen jian naa thi xii diʼin Tom ke denduaxin bithja ni jaan cristiano. Tsjeʼera VIDEO ko tjaura de jiʼi:
Ínchi juexin bukuna ngai video, keʼe thi juinchexruxiʼan Tom de ngai religión.
Unda Tom nuʼen jian ke anchee bithja thi ndua.
Thi ndachruni tjaguxini kunixin thi ncheʼeni. Tsjeʼera Mateo 7:21 ko tjaura de jiʼi:
Keʼe thi icha renthe para Jesús: thi ndachruná ke duthikauna o thi tjaguná kunixin thi nthuʼuna.
7. Thjueʼe chuuna naana ko inaana
Ni denduaxin cristiano bathjueʼe chuuna naana ko inaana
Naa ni denduaxin cristiano, a sithuexina sajuna videna ixi ni chuuna. Tsjeʼera VIDEO ko tjaura de jiʼi:
Unda juinao chuuná Lloyd ruge̱ʼen ixi thi chuuná Johansson.
A jaan naa ni denduaxin cristiano.
Tsjeʼera Juan 13:34, 35 ko tjaura de jiʼi:
Kexrein chunda ke runcheʼe ni ruee Jesús -ni denduaxin cristiano- ngai ni de inaa rajna o raza.
Kexrein rukengijnana jiʼi are chritaʼa rugeʼe guerra.
THI XRAXAUN INCHINA: “Ni cristiano anto tsje thi jiaʼan juincheʼena. Kexreinxin ixi jeʼena ni chunda thi ndua”.
Keʼe texto ruencheleʼena para ke sekjago kexeʼe ni denduaxin cristiano.
THI KUANGINÁ
Ni denduaxin cristiano ncheʼena thi ndachro ngaa Biblia, ko asta dithuexina ncheʼena kexeʼo thi rugunda ixi ni icha ixi thjueʼenana ko tjaguna thi ndua ke jii ngaa Biblia.
A xraxaun thi kuangi
De thino dachrjexin thi dithikaun ni denduaxin cristiano.
Kexeʼe cualidad segatsuaxin naa ni denduaxin cristiano.
Keʼe xrá ncheʼena.
THJEE ICHA
Degatsuan jian ni denduaxin ncheʼe ko dithikaun thi kjuago Jesús.
Denchelee kexrein naa thi nchrii ke kjui monja bithja “naa familia espiritual denduaxin”.
“Contestaron todas mis preguntas con la Biblia” (La Atalaya, 1 de abril de 2014)
Detsjeʼe kexrein ni denduaxin cristiano tjaguna ke thjueʼe chuuna are icha rugundeʼena.
Thengijnaná ni chuuná are tuʼen naa thi tángi (riuʼo video) (3:57)
Jesús ndachro kexrein satsuani naa ni denduaxin cristiano. Detsjeʼe kexrein bancheʼe ni cristiano ke binthe are saʼo ko ni cristiano ke te jai nchauana.
“¿Qué identifica a los cristianos verdaderos?” (La Atalaya, 1 de marzo de 2012)