LECCIÓN 58
Degithikaun ko dekinthueʼa Jehová
Xro cristianoná nunana jian ke xruʼin naa thi rukayakunaná para sinthasayaana Jehová. Ko nunana jian ke kai suixin jaña dekunuʼan, ko thi suixin degithikaun anto ncherenthe Jehová (tsjeʼe 1 Crónicas 28:9). Ínchi kekaa thi tángi segetan ke sincheʼe ke i segithikauʼan Ndo Dio. Ko kexrein sencheʼe para ke segathujin jiʼi.
1. Ínchi keʼe nchao sincheʼe ni icha para ke suixin i segithikauʼan Jehová
Sinthe inchi chujni ke sincheʼe ke tatsinthuʼená de sunthusayeʼena Jehová. Kensen sincheʼe yaa. Ínchi, ni takuinthuʼe thi ndua ko jai nichjana juxun thi nduaʼa de rajnee Dio para ke jaʼana i ruchunthiaʼaná. Chujni teʼi diʼina apóstata. Kai te thi ni ditauʼen nthiʼa icha religión ke nichjana thi nduaʼa de jaʼana para ke thi ni nandaʼa tethexinxin tatsinthuʼena thi ndua. Nchauʼa jii ke tsetukuʼuna ni dingakuʼen rajnee Dio, sunthuleena libroena, suxiʼina ngai página de Internet o rutsjeʼená video ke dantsjena. Ko anxun ke thenichjaná de ni teʼi ke thjeena ke i suthikauʼana Jehová, Jesús ndachro de jeʼena: “Tanchrjandarana. Chejuna ko jaña rinauna tsjaguna. Aro, si naa thi chejo rinao sikao inaa thi chejo, kayui setsingaa thue” (Mateo 15:14).
2. Kekaa thi tsincheʼená sunthuʼuna tsjago ke duthikauna Jehová
Ixi thjueʼená Jehová, rinauʼaná sunthuʼuna ninaa thi chunda ke sikun ngai religión tjago thi nduaʼa. Ni ngai xraana, ni ngai naa organización ke tetaxiná, ni ngai kexeʼo thi sunthuʼuna chundaʼa ke suxinthena ngai religión tjago thi nduaʼa. Jehová ndache jiʼi rajnee: “Dachrjexinra de yaa”, jiʼi ruchro, de Babilonia rajna jie (Apocalipsis 18:2, 4).
TANGI ICHA
Detsjeʼe keʼe nchao sencheʼe para ke xruʼin kensen sincheʼe ke i segithikauʼan. Kai, detsjeʼe unda ixi are tatunkjini de Babilonia rajna jie yaa tjaguxini ke dithikauni.
3. Dekanchrjandaʼa ke ni tjago thi nduaʼa senthayaʼana
Keʼe sunthuʼuna si tsiʼiná ke tenichjana jiaʼan de rajnee Jehová. Tsjeʼera Proverbios 14:15 ko tjaura de jiʼi:
Unda chunda ke sunthena ruxraxauná ko suthikauʼana kain thi tsiʼiná.
Tsjeʼera 2 Juan 9-11 ko tjaura de jiʼi:
Kexrein chunda ke sunthutrataana ni apóstata.
Jaan ndua, menxun nichjeʼanána; aro, kexrein ndanda ko ndanda taruxraxauná xraa jeʼena.
Si tsiʼiná thi jiaʼan ke nichjana de Jehová ko de rajnee, kexrein tsunuʼen Ndo.
4. Degithikaun ko dekinthueʼa Jehová are naa ni chuuná sincheʼena naa thi jiaʼan
Si tsunuaná ke chrujan ni chuuná de ngai congregación dincheʼe naa thi jiaʼan, keʼe thi chunda ke sunthuʼuna. Detsjeʼe naa thi ndua ke tjago Biblia ke jii ngai Ley ke Dio chjee ni isrealita. Tsjeʼera Levítico 5:1.
Ínchi ndachro versículo jiʼi, si kunuaná de naa ni chuuná ke juincheʼe naa thi jiaʼan, chunda ke tsekiiná ni anciano thi jaʼana nuana. Aro, saʼo de jiʼi, chunda ke rundachená thi ni juincheʼe thi jiaʼan ke jeʼena ni tsekiin ni anciano ko rundachruna thi juincheʼena. Aro, si sincheʼa, jaʼana, ixi duthikauna Jehová, chunda ke rundachená ni anciano. Unda jaña tjaguxiná ke thjueʼená…
... Jehová.
... thi ni juincheʼe thi jiaʼan.
... ngui congregación.
Si naa ni chuuná juincheʼe thi jiaʼan, ¡dekengijnana!
5. Tunkjinra de Babilonia rajna jie
Tsjeʼera Lucas 4:8 ko Apocalipsis 18:4, 5, ko degariʼi dexraxaun ngai thi xranchangi nthiʼi:
A xra jitaxin nombrena ngai inaa religión.
A riʼi ngai naa organización ke chunda ke sikun ngai inaa religión.
A ngai thi rinthaʼa xrá thengijnana inaa religión.
A xra jii chrujan thi chunda ke tsinthua de ngai religión tjago thi nduaʼa.
Si begatheʼe ke “jaan” ngai kexeʼo de thi xranchangi teʼi, kekaa thi chunda ke segasengixin.
Ngai kexeʼo thi redatho, dekincheʼe thi sincheʼe ke concienciaantha tachrjuin tsunuʼen ko ke tsjago ke jaan degithikaun Jehová.
Keʼe ruencheʼe si naa chujni seganchiaʼa ke sekengijna naa organización ke chunda ke sikun ngai inaa religión.
THI XRAXAUN INCHINA: “Aro, si nunaʼan keʼe ndachro ni apóstata de ni testigo de Jehová, kexrein runichjaxin thi ndua”.
A nchao jii ruxraxauni jaña. Unda.
THI KUANGINÁ
Si rinauʼaná tsinthuʼená Jehová, chundaʼa ke tsatuná chujni ke sinthayaʼaná.
A xraxaun thi kuangi
Unda chundaʼa ke tsiʼiná thi ndachro ni apóstata.
Keʼe chunda ke sunthuʼuna si tsunuana ke naa ni chuuná juincheʼe naa thi jiaʼan.
Keʼe chunda ke sunthuʼuna para suthikauna ko tatsinthuʼená religión tjago thi nduaʼa.
THJEE ICHA
Detsjeʼe keʼe nchao sencheʼe are sekiʼin ke ni icha nichjana thi nduaʼa de ni testigo de Jehová.
Kexrein nchao sekunuʼan si naa organización o chrujan thi ncheʼena chunda ke sikun ngai Babilonia rajna jie.
Keʼe ncheʼe thi ni dingakuʼen thi ndua para ke thi chunthianá i sujiʼa seʼe.
Denchelee kexrein naa xi dana sintoísta takuinthuʼe religión tjago thi nduaʼa. “Había buscado a Dios desde niño”
“La Biblia les cambió la vida” (La Atalaya, 1 de julio de 2011)