Tyityam wɨap in̈kuyujkaʼ en jw.org

Juutypɨk wɨap impaʼt jeʼm an̈kejayoʼoyiyaj akkiʼmneyajtawɨʼɨp idyɨk en jeʼm wiñtyipɨk página

Jaʼyan̈ tɨwɨtam ipɨkyajpa jeʼm an̈kejayoʼoyiyaj ityyajwɨʼɨp idyɨk wiñtyi en jeʼm sitio jw.org iga in̈madayyajpa tun̈gakyaj jeʼm Dios In̈maatyi. Dyaʼ tan̈kaʼ tan̈kutsatyaj, y yɨʼpyaj an̈kejayoʼoyiyaj in̈matyajpa iga jempɨk naspa ixɨʼ sɨʼ ikkupak jɨychagoʼoyiyaj ityyajwɨʼɨp Bibliajom. Tuum tɨɨwɨ nɨmpa: «Yɨʼpyaj an̈kejayoʼoyiyaj tsaam tayooxpaʼtpa jeʼm an̈matkuyjom».

Iga jeʼm página kejpaʼap wiñtyi juchixkej kakpa, ¿tyi wɨap tan̈wat siiga tuum an̈kejayoʼoyi dyam tampaʼtpa jeem?

• Siiga mich miity en jeʼm wiñtyipɨk página de jw.org, penɨ juuty nɨmpa «Aʼmɨnam». En jeʼm dispositivos móviles, yɨʼp an̈maatyi kejpa chapaʼ de juuty ity jeʼm an̈kejayoʼoyiyaj de jeʼm sección «Kɨʼpin̈ɨ yɨʼptam». Yɨʼp mininɨkpa jeʼm jaakaʼ juuty nɨmpa «An̈kejayoʼoyiyaj akkiʼmneyajtawɨʼɨp idyɨk en jeʼm wiñtyipɨk página». Jeem impaʼtpa jempɨk yaguiñ putneyaj.

• En jw.org o en JW Library^® nɨkɨ juuty nɨmpa «Akkaʼyñeyajtawɨʼɨp» y kuaʼmɨ juuty nɨmpa «Majnam an̈kejayoʼoyiyaj». Y juʼuts in̈an̈pɨgam, kuaʼmɨ juuty nɨmpa «An̈kejayoʼoyiyaj iga wɨap iñtyegueda». Yɨʼɨm impaʼtpa jaʼyan̈ an̈kejayoʼoyiyaj iga oyñeum puutyiyaj en jeʼm wiñtyipɨk página.