¿Iñjɨɨspanam?

¿In̈wɨmayñe’ je’m Totjaayi Takjoodon̈apa’ap? A’mɨ siiga wɨap in̈kutson̈ yɨ’pyaj akwago’oyiyaj:

¿Tyityam tan̈wadyiñ iga wɨaiñ tan̈kukagay tanjɨɨxi? (Rom. 12:2).

Dya’ numaaj tan̈wadyiñ wɨtampɨk tyidyin̈kej tañityijom. Nasuntaap iga tan̈wɨkɨ’pin̈iñ je’m tananmaj y tan̈wadyiñ je’m kukakiyaj nasuntapa’ap tañityijom iga wɨaiñ tan̈kupɨk ju’uts nɨmpa je’m Jehová in̈ki’mayo’oyiyaj (w23.01, páginas 8 y 9).

¿Tyi’iga odoy pɨɨmi takobakpijtya’miñ kun jempɨk naspa ixɨ’ ikuwɨtyi yɨ’p naxyukmɨ?

Tanteguedaap ityumpɨy jempɨk naspa ixɨ’ yɨ’p naxyukmɨ y juutypɨk sɨ’ ikkupakyaj je’m jɨychago’oyiyaj itywɨ’ɨp Bibliajom. Pero dya’ tanan̈matto’oba taɨchpɨk tanjɨɨxi iga wɨap iwe’k je’m kumun, tan̈kupɨguiñ ityumpɨy je’m an̈kejayo’oyiyaj jempɨk ityopne’ je’m Jehová iorganización (1 Cor. 1:10) (w23.02, página 16).

¿Ju’ptam kukakiyaj iniity je’m Jesús iakchin̈o’oyi kun je’m ityun̈ɨyyajpa’ap iakchin̈o’oyi?

Iga dya’ jeex ken taɨchtyam, dya’ nasunta iga iwada’yiñ tuum an̈wejpado’oyi Jehová juuty iñɨ’ma’yba iga ikɨan̈koda’yba je’m iityi, je’ nay en tuum tɨgan̈juj iga ikupin̈ne’ idyɨk Jehová. Iga dya’ idyɨk tan̈kaɨy, dya’ nasunta iga wadaytyaiñ perdón (w23.03, página 5).

¿Tyi wɨap tan̈watta’m iga majnam tɨwɨtam wɨaiñ ichioyyaj ikutson̈o’oyiyaj?

Tachioytya’miñ ñokotampɨk kutson̈o’oyiyaj, yɨ’ɨmpɨgam itypa tiempo iga tun̈gak tɨwɨtam kutson̈oyyajiñ. Odoytyim tanjɨykimta’miñ ja’yan̈ jɨɨxiyaj, siiga dya’ tun̈gakyaj dyam wɨap ichioyyaj ikutson̈o’oyi (w23.04, página 23).

¿Tyiapa’ap je’m «Tun̈ Kua’yñewɨ’ɨp» iga ijɨyki’mpa Isaías 35:8?

Para je’m judíojyaj, je’ je’m tun̈ simbólico iga putpa de Babilonia y nɨgɨyɨ’yba Israel. ¿Y para taɨchtyam? Ja’yan̈ amtyɨy wiñtyi iga nu’guiñ 1919, moj iwɨtsakta je’m tun̈, ju’uts akwiñkejo’oyi kun je’m impresión y traducción iga wadaytya je’m Biblia. Je’m «Tun̈ Kua’yñewɨ’ɨp» ininɨkpa je’m Dios ikumun a je’m paraíso espiritual y je’m nɨgɨyo’oyijom ipɨktson̈yajpa ja’yan̈ kumaykedo’oyiyaj ikuyukmɨ je’m Dios iAn̈jago’oyi (w23.05, páginas 15 a 19).

¿Ju’p yomtam simbólicas ijɨyki’mpa je’m capítulo 9 de Proverbios?

Proverbios ijɨyki’mpa «je’m yoomo’ dyapɨk wɨjɨɨxiɨy» y in̈matpa iga jempɨk ikupɨkyajpa nɨkyajpa «je’m Tsu’tskuumijom». Ijɨyki’mpatyim «je’m nuntapɨk joodon̈o’oyi» ju’uts tuum yoomo’ y nɨmpa iga jempɨk ikupɨkyajpa nɨkyajpa «je’m tun̈jom juuty ity kutɨ’ɨyɨyo’oyi» y ipɨktson̈yajpa je’m ityi (Prov. 9:​1, 6, 13, 18) (w23.06, páginas 22 a 24).

¿Juutypɨk ikwiñkej Jehová iga humilde y iwɨpɨkpa ijɨɨxi kun je’m trato ichi’iwɨ’ɨp Lot?

Jehová iñɨ’may Lot iga po’yiñ de Sodoma y nɨguiñ jɨmñom. Jesɨgam Lot iñɨ’may iga a’mchiyajtaiñ iga nɨguiñ Zóar, Dios ia’mchi’ iga nɨguiñ (w23.07, página 21).

¿Tyi wɨap iwat tuum yoomo’ siiga iwɨdyaaya ia’mpa pornografía?

Odoy ijɨɨxiñ iga je’am iniity je’m culpa. Ityeguedaiñ je’m iwɨnanɨgo’oyi kun Jehová y ikujɨɨxiñ je’m yomtam jɨykimtapa’ap Bibliajom iga iñaskayaj tan̈kapɨk nasɨyo’oyiyaj y juutypɨk yooxpa’tyajta. Wɨaptyim iyooxpa’t iwɨdyaaya iga wɨaiñ in̈an̈kamok yɨ’p kutɨ’ɨchi (w23.08, páginas 14 a 17).

¿Juutypɨk tayooxpa’tpa je’m joodon̈o’oyi iga tan̈wɨkutson̈iñ algun i jesɨk ikujɨyba jempɨk tan̈kupɨkpa?

Jesɨk tawada’yba tuum akwago’oyi wɨɨ iga tana’miñ tyi sɨ’ ikkobakpij o tyi ijɨɨspa. Yɨ’bam tayooxpa’tpa iga tan̈wɨkutson̈iñ (w23.09, página 17).

¿Tyi tan̈kejaytya’mpa jempɨk iwat María?

Jesɨgam ijoodon̈a iga ikmɨjaap idyɨk jempɨk tsɨ’yba ju’uts Mesías, María ikua’m yooxpado’oyi. Gabriel y Elisabet ianmajan̈chi’iyaj kun je’m Dios In̈maatyi. Taɨchtyam wɨaptyim tapɨɨmchiyaj je’m tɨwɨtam (w23.10, página 15).

¿Juutypɨk ikutson̈ba Jehová je’m tanan̈wejpado’oyi?

Ijɨykamne’ iga ikumaton̈ba je’m tanan̈wejpado’oyi y jesɨk takutson̈ba dya’ ikuja’ama’yba jempɨk ijɨɨsne’ iga iwatpa (Jer. 29:12). Wɨap ikutson̈ de tun̈gak manera jeexpɨktyim an̈wejpado’oyi, pero juchixkej tayooxpa’tpa (w23.11, páginas 21 y 22).

Siiga Romanos 5:2 ijɨyki’mpam je’m an̈jogo’oyi, ¿tyi’iga eybɨk jɨykimtaap en je’m versículo 4?

Jesɨk algun i moj ikumaton̈ je’m Dios In̈maatyi, wɨapsɨ iga moj iniity je’m an̈jogo’oyi iga itypa juchixkej yɨ’p Naxyukmɨ en tuum paraíso. Pero jesɨk iñaska’ kutɨ’ɨchiyaj, iya’achɨ’y y ia’m juutypɨk Jehová iyooxpa’tne’, majnam ikupɨk iga je’ ikkupakpa jempɨk ijɨykamne’ (w23.12, páginas 12 y 13).