¿Juʼptam metas inikkupaktoʼoba para jeʼm joomipɨk amtyɨy de servicio?

Jeʼm metas espirituales jeʼ jempɨk tanjɨɨsneʼ iga tan̈watpa y tanteguedaap iga tanakkupakpa iga majnam tan̈kuyooxaiñ Jehová y tammaymaywadyiñ. Wɨɨ iga tantobiñ tiempo iga tanakkupaguiñ jempɨk tanjɨɨsneʼ, yɨʼp tayooxpaʼtpa iga tamɨjaiñ espiritualmente (1Ti 4:15). ¿Tyiʼiga wɨɨ iga tan̈kɨʼpin̈taʼmiñ jeʼm tammetas? Iga jeʼm tañityityam kukakpa. Wɨapsɨ iga jeʼm meta tanakkaʼmayñetawɨʼɨp dyam wɨap tanakkupak. O wɨapsɨ iga tanakkupakneum tuum jempɨk tanjɨɨsneʼ iga tan̈watpa y wɨap tanakkaʼmaytya tun̈gak meta.

Wɨɨ iga tan̈kɨʼpin̈iñ jeʼm tammetas wiñtyi iga tsukumpa jeʼm joomipɨk amtyɨy de servicio. ¿Iñjɨɨsneum iga in̈kɨʼpin̈ba yɨʼp jɨɨxi jesɨk iniitytyaʼmpa jeʼm kuyuuji en familia? Wɨap inin̈mattaʼm juʼptam metas inikkupaktamtoʼoba tumtum de mimichtyam y juʼptam metas inikkupaktamtoʼoba juʼuts familia.

¿Juʼptam metas minikkaʼmayñeta, y tyi iñjɨɨsneʼ iga in̈watpa iga wɨaiñ inikkupak?