Jempɨk iñaskaneyaj
Jesɨk tanakwiñkejayyajpa ya’achan̈jamo’oyi tun̈gakyaj iwɨwadayyajpa
Tuum jaama, tuum yoomtɨwɨ de Nueva Zelanda ia’m je’m video Preocupémonos unos por otros, jeem in̈matpa iga Jehová dya’ numaaj ijaampa ya’achan̈jamo’oyi, je’ ikwiñkejpa (Is. 63:7-9). Je’yukmɨ, ipɨk ijɨɨxi iga iwatki’pspa y ime’ts juutypɨk ikwiñkejpa ya’achan̈jamo’oyi. Je’tyi jaama nɨk juyjuyo’oyi, ia’m tuum yoomo’ iga dya’ kutɨk y ity tun̈jom, iñɨ’may iga iju’ya’yba wi’kkuy. Je’m yoomo’ napɨgaytya. Jesɨk je’m yoomtɨwɨ nu’k kun je’m wi’kkuy, moj in̈maday je’m Dios In̈maatyi y ipɨk je’m tratado ¿Nu’kpasɨ jaama iga dyam taya’achata’mpa?
Je’m yoomo’ moj weeji. In̈mat iga ijaatun̈yaj in̈kejayyaj de Jehová, pero waatyña amtyɨyam ichakne’ je’m kumun. Nɨm iga tsaam iwa’gayñeum Jehová iga iyooxpa’dyiñ ikuseet. Je’m yoomtɨwɨ ichi’ tuum Biblia y iñɨ’may iga eybɨk ikkuyujpa.a
Ju’utstyim Jehová, wɨap tanakwiñkejay ya’achan̈jamo’oyi tun̈gakyaj, je’m tanfamiliaryaj y je’m tɨwɨtam. Jeempɨktyim wɨap tan̈wat jesɨk tanan̈mada’yba tun̈gakyaj je’m Dios In̈maatyi.
a Je’m an̈kejayo’oyi «Vuelvan a mí», iga impa’tpa en je’m Totjaayi Takjoodon̈apa’ap de junio de 2020 en español, in̈matpa juutypɨk wɨap tanyooxpa’tyaj jempɨk dyam an̈tu’umaayajpa y dyam putyajpa je’m an̈matkuy.