Melkahka kan
Koulen Kohkohdalahng ni Kahnimwo.
125 Irail akan me kin likih Siohwa+
Rasehng Nahna Saion, me sohte kak rerada
Ahpw kin mihmi kohkohlahte.+
2 Duwehte nahna kan ar kin kapilpene Serusalem,+
Ih duwen Siohwa eh kin ketin kapilpene sapwellime aramas akan+
Sang met oh pil kohkohlahte.
3 Me suwed sohte pahn pousehlahte kakaun sahpw me kohieng aramas pwung kan,+
Pwe aramas pwung kan en dehr sohpeila wia me suwed.+
4 Maing Siohwa, komw ketin wia dahme mwahu ong aramas mwahu kan,+
Ong irail kan me ahneki mohngiong pwung.+
5 A irail akan me kin sohpeilahng ar ahl pirek kan,
Siohwa pahn ketikihsang irail iangahki irail akan me kin wia me suwed.+
Popohl en mihmihte Israel.