Melkahka kan
135 Kapinga Iah!*
Kumwail kapinga mwaren Siohwa;
Kumwail kapinga ih, kumwail ladu en Siohwa kan,+
2 Kumwail me kin papah ni tehnpesen Siohwa,
Nan wasa kelpene kan nan tehnpesen atail Koht.+
3 Kumwail kapinga Iah, pwe Siohwa me kupwur mwahu.+
Kumwail koulki koulen kaping kan* ong mware, pwe met me kansenamwahu.
5 Pwe I uhdahn ese me Siohwa me ketin lapalap;
Atail Kaun ketin lapalapasang koht teikan koaros.+
6 Siohwa kin ketin wia mehkoaros me e kupwurperenki wia+
Nanleng oh sampah, nansed oh nan kepin madau kan koaros.
7 E kin ketin kahrehiong depwek kan* en kohda sang ni imwin sampah;
E kin ketin wiahda lioal en piripir nan* keteu;
E kin ketikihdo kisinieng sang nan sapwellime imwen nahk kan.+
8 E ketin kemehla mesenihen Isip kan,
Mesenihen aramas oh mahn akan.+
9 Isip, e ketin wiadahr kilel kan oh manaman kapwuriamwei kan rehmw,+
Pwehn kaloke Parao oh nah ladu kan koaros.+
10 E ketin kalowehdi wehi tohtohie+
Oh ketin kemehla nanmwarki kehlail kan+
11 —Sihon nanmwarkien mehn Amor kan,+
Ok nanmwarkien Pasan,+
Oh wehin Kenan kan koaros.
12 E ketikihong sapwarail ko ong sapwellime aramas ako nin duwen sohso ehu,
Sohso ehu ong Israel.+
13 Maing Siohwa, mwaromwi kin poatopoat kohkohlahte.
Maing Siohwa, omwi adamwahu* kin mihmihte erein dih kan koaros.+
14 Pwe Siohwa pahn ketin doare* sapwellime aramas akan,+
Oh e pahn ketin poakehla sapwellime ladu kan.+
15 En wehi kan dikedik kan wiawihkihda silper oh kohl,
Pehn aramas me wiahda.+
16 Mie awarail, ahpw re sohte kak lokaia;+
Mie masarail, ahpw re sohte kak kilang wasa;
17 Mie salengarail, ahpw re sohte kak rong wasa.
Sohte ahng en esingek nan awarail.+
18 Aramas akan me kin wiahda mepwukat pahn duwehla mepwukat,+
Oh pil irail koaros me kin likih mepwukat.+
19 Kumwail aramas en Israel kan, kumwail kapinga Siohwa.
Kumwail peneinei en Aaron, kumwail kapinga Siohwa.
20 Kumwail peneinei en Lipai, kumwail kapinga Siohwa.+
Kumwail me kin lemmwiki Siohwa, kumwail kapinga Siohwa.
Kapinga Iah!+