Melkahka kan
Ong sounpihtih keseng. En Depit melkahka.
14 Me pweipwei men* kin nda nan eh mohngiong:
“Sohte Siohwa.”+
Ar wiewia kan me suwed, oh ar mwekid kan me kasaut;
Sohte me kin wia me mwahu.+
2 Ahpw Siohwa kin ketin iroirdiong pohn aramas akan sang nanleng
Pwe en ketin mahsanih ma mie me loalokong, ma mie me kin rapahki Siohwa.+
3 Irail koaros sohpeilahr;+
Irail koaros suwed.
Sohte me kin wia me mwahu,
Sohte mwahn pil emen.
4 Ia duwe, irail me kin wia me suwed kan sohte kin wehwehki?
Re kin kadallehla nei aramas akan duwehte ar kin kang pilawa.
Re sohte kin likweriong Siohwa.
5 Ahpw re pahn masepwehkada douluhl,+
Pwe Siohwa kin ketiket rehn dih en me pwung kan.
6 Kumwail me kin wia me suwed kan kin song en kasapwungehla koasoandi en me tikitik men,
Ahpw Siohwa kin ketin wia eh wasahn ruk.+
7 Ia uwen ei kin kapakap pwe komourpen Israel en kohdohsang Saion!+
Ni ahnsou me Siohwa pahn ketin kapwurehdo sapwellime aramas selidi kan,
Seikop en perenda, Israel en perenda.