Melkahka kan
Ong sounpihtih keseng. En kadaudok en Kora kan melkahka.+ Maskil.*
44 Maing Koht, se patohwan rongkier pein salengat ka,
Samat mehn mahs ako padahkihongkitier,+
Soahng kan me komw ketin kapwaiadahr nan ar mwehio,
Sangete mahsie.
Komw ketin kamwutepene wehi kan oh kasareirailla.+
3 Samat mehn mahs ako sohte sapwenikihla sahpwo sang ni pein neirail kedlahs kan,+
Oh kaidehn pehrail kan me kahrehiong ren kana.+
Ahpw sang ni palimaun en nin limomwi oh omwi roson+ oh marain en silangomwi,
Pwehki omwi kin ketin kupwurperenkin irail.+
5 Sang ni sapwellimomwi manaman se pahn kasarehla at imwintihti kan;+
Ni mwaromwi se pahn tiakedi irail akan me kin uhwong kiht.+
6 Pwe I sohte kin likih nei kesik ketieu,
Oh nei kedlahs sohte kak doareiehla.+
7 Komwi me ketin doareikitasang at imwintihti kan,+
Komwi me ketin kanamenekihala irail kan me kin kailongkin kiht.
8 Se pahn kapinga Koht rahn ehu pwon,
Oh se pahn kapinga mwaromwi kohkohlahte. (Selah)
9 Ahpw met komw ketin keseikitalahr oh kanamenekeikitalahr,
Oh komw sohte kin ketin iang at tungoal karis kan ketieila.
10 Komw kin ketin kahrehiong kiht sen kin tangasang at imwintihti kan;+
Irail kan me kin kailongkin kiht kin kihsang dahme re mwahuki.
11 Komw kin ketin pangkitala rehn at imwintihti kan; re pahn kemeikitala rasehng sihpw kei;
Komw ketin kamwarangkitpesengier nan wehi kan.+
12 Komw kin ketin netikihla sapwellimomwi aramas akan ni pweipwei ehu me uhdahn tikitik;+
Komw sohte kin ketin alehdi wihn en pweinerail.
13 Komw kin ketin wiahkinkitala mehkot kanamenek ehu rehn mehn mpat kan,
Mehkot ehu me irail koaros me kapilkitpene pahn kepitki oh mwamwahliki.
14 Komw kin ketin wiahkinkitala mehkot me wehi kan kin kouruhrki,*+
Aramas akan kin tuwelengki ar kin kapailokei kiht.
15 I kin sansaro rahn ehu pwon,
Oh I toutoukilahr ei namenek,
16 Pwehki ngilen ar kepit kan oh kapailok kan,
Pwehki at imwintihtio eh kin dupukohng kiht.
17 Mepwukat koaros lelohng kiht, ahpw se sohte manokeikomwihla,
Oh se sohte kauwehla sapwellimomwi inou lap.+
18 Mohngiongat kan sohte soaloalopwoatala;
At kahk kan sohte kin wetsang alomwi.
19 Ahpw komw ketin kamwuteikitpenehr wasa me kidien wel kan kin mi ie;
Komw ketin pwainkinkitdier rotorot mosul.
20 Ma se manokelahr mwaren at Koht
De ma se kauwada peht kan pwe sen kapakapohng koht en liki men,
21 Koht sou pahn ketin mwahngihada met?
E kin ketin mwahngih soahng rir kan nan mohngiong.+
22 Pwehki komwi, se kin mihmi nan keper en mehla ahnsou koaros;
Se wialahr sihpw kei me pahn kamakamala.+
23 Maing Siohwa, dahme mwomwen komw ketin seiseimwongki?+
Komw ketin ohpala wasa oh ketin sewesei kiht.
Komw dehr ketin soingkitala kohkohlahte.+
24 Dahme kahrehda komw ketin karirihala silangomwien?
Dahme komw ketin meliehkihla at lokolok oh at apwal?
25 Pwe se lekdekdiongehr nan pwelpar;
Oh se wonohnehr nanpwelo.+
26 Komw ketida oh sewesei kiht!+