Melkahka kan

Ong sounpihtih keseng; iangahki keseng sahl kan. En Depit melkahka.

61 Maing Koht, komw ketin karonge ei likwer en peksawas.

Komw ketin karonge ei kapakap.+

2 I pahn patohwan likweriong komwi sang ni imwin sampah

Ni ahnsou me sohla ei koapworopwor.*+

Komw ketin kahluwaielahng pohn ehu paip me ileilehsang ie.+

3 Pwe komwi me ei wasahn ruk,

Imwen doulik kehlail ehu me kin pereiehsang imwintihti.+

4 I pahn patopato nan omwi impwal kohkohlahte;+

I pahn diar wasahn ruk pahn omwi pehnpihr kan.+ (Selah)

5 Pwe Maing Koht, komw ketin karongeier inou kan me I kahukihla.

Komw ketikihongieier sohso me irail akan me kin lemmwiki mwaromwi ahneki.+

6 Komw pahn ketin kareireila mouren* nanmwarkio,+

Oh e pahn momour sounpar tohto.

7 E pahn ketidi nan mwoale* mwohn silangin Koht kohkohlahte;+

Sapwellimomwi limpoak loalopwoat oh lelepek en kin sinsile ih.+

8 I ahpw pahn koulki koulen kaping kan* ong mwaromwi kohkohlahte+

Ni ei kin kapwaiada inou kan me I kahukihla ehuehu rahn.+