29 Kumwail dehr manokehla me Siohwa me ketikihong kumwail Sapad.+ Ihme kahrehda ni keweneun rahno, e ketikihong kumwail pilawa ong rahn riau. Koaros pahn mihmihte nan dewe; sohte me pahn kohkohsang eh wasa ni keisuhwen rahn.”

8 “Tamataman rahnen Sapad pwe ken wiahki met rahn sarawi ehu.+ 9 Ke pahn doadoahk oh wiahda omw doadoahk koaros erein rahn weneu,+ 10 ahpw ni keisuhwen rahn iei sapad ong Siohwa omw Koht. Ke sohte pahn wia doadoahk sohte lipilipil, kowe de pil noumw pwutak de pil noumw serepein de pil noumw lidu ohl de pil noumw lidu serepein de pil noumw mahn mand de pil noumw mehn liki men me kin mi nan amwail wasahn kousoan kan.*+ 11 Pwe erein rahn weneu me Siohwa ketin wiahkihda nanleng oh sampah, sehd, oh audeparail kan koaros, oh e ketin tepida kommoal ni keisuhwen rahn.+ Ihme kahrehda Siohwa ketin kapaiahda rahnen Sapad oh wiahki met rahn sarawi ehu.

12 “‘Kapwaiada rahnen Sapad pwe ken wiahki met rahn sarawi ehu duwehte me Siohwa omw Koht ketin kehkehlingkihong uhk.+ 13 Ke pahn doadoahk oh wiahda omw doadoahk koaros erein rahn weneu,+ 14 ahpw ni keisuhwen rahn iei sapad ong Siohwa omw Koht.+ Ke sohte pahn wia doadoahk sohte lipilipil,+ kowe de pil noumw pwutak de pil noumw serepein de pil noumw lidu ohl de pil noumw lidu serepein de pil noumw kouwol de pil noumw dongki de pil noumw mahn mand de pil noumw mehn liki men me kin mi nan amwail kahnimw kan,*+ pwe noumw lidu ohl oh lidu serepein en kommoal duwehte kowe.+