• Sohp 4:18-20
    Paipel—Kawehwehn Sampah Kapw

    • 18 Kilang! E sohte kin ketin likih sapwellime ladu kan,

      Oh e kin ketin diarada sapwung rehn sapwellime tohnleng kan.*

      19 Ia uwen eh pil pahn ketin wia soahngohte ong irail kan me kin kousoan nan ihmw pwehl,

      Me ar poahsoan kin mi nan pwelpar,+

      Me mengei en mwutpene duwehte kariskahn!*

      20 Re kin mwutpene douluhl sang nimenseng lel nin soutik;

      Re kin sohrala kohkohlahte, oh sohte me kin nsenohki.

  • Sohp 22:2, 3
    Paipel—Kawehwehn Sampah Kapw

    •  2 “Aramas emen kak katapan ong Koht?

      Emen me dehdehki mwahu soahng kan kak sewese ih?+

       3 Ia duwe, me Keieu Manamano ketin nsenohki* omw kin wia aramas pwung,

      De e kin ketin alehdi mehkot pwehki omw kin idawehn elen loalopwoat?+

  • Sohp 25:5, 6
    Paipel—Kawehwehn Sampah Kapw

    •  5 Pil maramo sohte marain

      Oh usu kan sohte mwakelekel mwohn silangi,

       6 Eri, ia duwen aramas eh kak mwakelekel, me duwehte mwesenloang men,

      Oh nein aramas, me duwehte mwahs men!”

  • Sohp 42:8
    Paipel—Kawehwehn Sampah Kapw

    • 8 Eri met, ale kouwol isimen oh sihpw wol isimen oh kohla rehn ei laduwo Sohp, oh wiahda meirong isihs ehu ong pein kumwail. Oh ei ladu Sohp pahn kapakapkin kumwail.+ I uhdahn pahn karonge eh pekipek* en dehr kalokehkin kumwail amwail koasoia soahng pweipwei kan, pwe kumwail sohte koasoiahda me mehlel duwen ngehi duwehte me ei ladu Sohp wia.”