• Eksodus 15:11
    Paipel—Kawehwehn Sampah Kapw

    • 11 Maing Siohwa, ihs nanpwungen koht akan me duwei komwi?+

      Ihs me duwei komwi, me kin kasalehda sarawihe kowahlap?+

      Me warohng ale lemmwin ni koulen kaping kan, me kin ketin wiewia soahng kapwuriamwei kan.+

  • 2 Nanmwarki 19:22-24
    Paipel—Kawehwehn Sampah Kapw

    • 22 Ihs me ke kepitki oh lahlahwe?+

      Ihs me ke lokolokaia laud ong+

      Oh kihkihdahng mesomw pohnmwahso kan?

      Iei ong Koht Sarawi en Israel!+

      23 Ke kepitki Siohwa+ sang noumw meninkeder kan,+ oh nda,

      ‘Sang ni werei kurumahn mahwen tohto kan

      I pahn kohdahla wasa ile en nahna kan,

      Wasa me keieu doh kan en Lepanon.

      I pahn pelehdihsang eh sidar ile kan, eh tuhke suniper keieu mwahu kan.

      I pahn pedolong nan eh wasahn ruk me keieu doh kan, eh nanwel me keieu diren tuhke kan.

      24 I pahn weirada pwarer kan oh nim pihl me kohsang wehin liki;

      I pahn kamadahkihda piletik* en Isip koaros patehn nehi kan.’

  • Aiseia 10:20
    Paipel—Kawehwehn Sampah Kapw

    • 20 Rahno irail me luhwehdi nan Israel

      Oh kadaudok en Seikop kan me pitila

      Sohla pahn rapahki utuht ong pein irail sang me kin kaloke irail;+

      Ahpw re pahn rapahki utuht ong pein irail sang Siohwa,

      Koht Sarawi en Israel, oh re pahn lelepek ong ih.

  • Esekiel 39:7
    Paipel—Kawehwehn Sampah Kapw

    • 7 I pahn wiahiong mwarei sarawi en sansalda nanpwungen nei aramas en Israel kan, oh I sohla pahn mweidohng mwarei sarawi en saminla; oh wehi kan pahn anahne ese me ngehi me Siohwa,+ Koht Sarawi nan Israel.’+