• Aiseia 44:14, 15
    Paipel—Kawehwehn Sampah Kapw

    • 14 Mie emen me eh doadoahk iei en pelehdi tuhke sidar kan.

      E kin pilada soangen tuhke pwoat, tuhke ohk* pwoat,

      Oh e kin mweidohng en keirda kehlail nanpwungen tuhkehn nanwel kan.+

      E padokedi tuhke lohrel pwoat, oh keteu me kin kakairada.

      15 Aramas eri tuwihkihla tuhkeo.

      E kin ale ekei tuwi ko pwehn wia eh mehn rengireng;

      E kin wiahda kisiniei ehu oh umwunda pilawa.

      Ahpw e pil kin wiahda koht men oh kaudokiong.

      E kin wiahkihda tuhkeo sansal perperda ehu, oh e kin poaridiong mwowe.+

  • Aiseia 45:20
    Paipel—Kawehwehn Sampah Kapw

    • 20 Kumwail pokonpene oh kohdo.

      Kumwail me pitila sang wehi kan, kumwail koaros pwarodo.+

      Irail sohte ese mehkot, irail me waseli sansal perperda kan

      Oh kapakapohng koht men me sohte kak doareirailla.+

  • Apakuk 2:18
    Paipel—Kawehwehn Sampah Kapw

    • 18 Ia kamwahupen sansal perperda ehu

      Me aramas emen wiahda?

      Ia kamwahupen sansal mete ehu oh sounpadahngki soahng likamw akan,

      Mehnda ma me wiahdao kin likih,

      Oh kin wiahda koht soh katepe kan me sohte kak lokaia?+