25 “Ihme I ndahkihong kumwail: Uhdihsang pwunodki+ amwail mour* ong dahme kumwail pahn tungoale de dahme kumwail pahn nim, de duwen paliwaramwail ong dahme kumwail pahn likawih.+ Pwe mour* sou kesempwal sang mwenge oh paliwar sou kesempwal sang likou?+ 26 Tehk mwahu menpihr en pahnlahng kan;+ re sohte kin kamwarak werentuhke de dolung de kin kihpene nan imwen nahk, ahpw Samamwail nanleng kin ketin katungoale irail. Kumwail sou kesempwal sang irail? 27 Ihs rehmwail me kak ekiste* kareireila eh mour+ ni eh kin pwunod? 28 Mehnda kumwail en pwunodki likou? Tehk mwahu kiepw en nan mohs akan ni ar kin kekeirda; re sohte kin doadoahk oh sohte kin wiahda likou; 29 ahpw I ndaiong kumwail me Solomon+ ni eh kapwatkihda eh lingan koaros, e pil sohte kaselel duwehte apwoat irail. 30 A ma ih duwen Koht eh kin ketin kapwatahda dipwen nan mohs me mie rahnwet a lakapw e lekdekiong nan kisiniei, e sou pahn pil ketin kalikawihkumwailda, kumwail me pwoson tikitik?

6 Kumwail dehr kin pwunodki mehkot.+ Ahpw ahnsou koaros kumwail en kapakapohng Koht—peki reh+ kaweid ni mehkoaros ni ngidingid oh kapingkalahnganohng ih ahnsou koaros.