Melkahka kan
89 I pahn koulki kasalepen sapwellimen Siohwa limpoak loalopwoat kohkohlahte.
I pahn kasalehda sang ni eweiet sapwellimomwi lelepek ong dih kan koaros.
2 Pwe I patohwanehr: “Limpoak loalopwoat pahn tengedi* kohkohlahte,+
Oh komw ketin katengehdier sapwellimomwi lelepek nanleng.”
4 ‘I pahn katengehdi kadaudokomw+ kohkohlahte,
Oh I pahn kauwada mwoalomwi ong dih kan koaros.’”+ (Selah)
5 Maing Siohwa, nanleng kin kapinga sapwellimomwi wiewia kapwuriamwei kan,
Ei, sapwellimomwi lelepek nan mwomwohdisohn me sarawi kan.
6 Ihs me mi pahnlahng me kak pahrekiong Siohwa?+
Ihs nanpwungen sapwellimen Koht ohl akan*+ me duwehte Siohwa?
7 Koht kin ketin waunla rehn pwihn en me sarawi kan;+
E me lapalap oh lemmwin kowahlap ong irail koaros me kapilpene ih.+
Sapwellimomwi lelepek kin kapilkomwipene.+
10 Komw ketin kamwutepenehr Reap+ oh kemehla.+
Sang nin limomwi roson komw ketin kamwarakpesengehr sapwellimomwi imwintihti kan.+
11 Nanleng iei sapwellimomwi, sampah pil sapwellimomwi;+
Komwi me ketin poahsoanedier sahpw pwelmwahu oh audepe kan.+
12 Komwi me ketin kapikada paliepeng oh palieir;
Nahna Tapor+ oh nahna Ermon+ kin pereperen kapikapinga mwaromwi.
14 Pwung oh pwung pahrek kin wia poahsoanen mwoalomwi;+
Limpoak loalopwoat oh lelepek kin uh mwohn silangomwi.+
15 Meid peren aramas akan me kin kapingahkin komwi ngilen peren.+
Maing Siohwa, re kin weweidki marain en silangomwi.
16 Pwehki mwaromwi, re kin pereperen rahn ehu pwon,
Oh pwehki sapwellimomwi pwung, re kin waunla.
18 At mehn sansar kohsang rehn Siohwa,
Oh at nanmwarki kohsang rehn Koht Sarawi en Israel.+
19 Ni ahnsowo komw ketin mahseniong sapwellimomwi me loalopwoat akan nan kaudiahl ehu, oh mahsanih:
“I ketikihongehr me kehlail men kehl;+
I kawauwihalahr me pilipilda men sang nanpwungen aramas akan.+
21 Nin limeiet pahn utung ih,+
Oh nin limei pahn kakehlahda ih.
22 Sohte imwintihti men pahn idingkihong en kihda kisakis,
Oh sohte aramas suwed men pahn kaloke ih.+
26 E pahn likweriong ie: ‘Komwi me Semei,
Ei Koht oh Paip en komourpei.’+
28 I pahn kolokolete ei limpoak loalopwoat ong ih kohkohlahte,+
Oh ei inou lap ong ih sohte mwahn pahn ohla.+
29 I pahn wiahiong kadaudoke en mihmi kohkohlahte
Oh I pahn wiahiong mwoale en mihmihte duwehte nanleng.+
30 Ma kadaudoke kan kesehla ei kosonnedo
Oh sohte kin weweidki ei kopwung kan,*
31 Ma irail kauwehla ei koasoandi kan
Oh sohte kin kapwaiada ei kehkehlik kan,
32 Eri, I pahn kalokehki arail sapeik* tuhke pwoat+
Oh arail sapwung mehn wowoki.
33 Ahpw I sohte mwahn pahn kesehla ei limpoak loalopwoat ong ih+
Oh I uhdahn pahn mehlel ong ei inou.*
35 Nin duwen me sarawi men, I kahulahr pak ehute;
I sohte pahn wiahda likamw ong Depit.+
37 Mwoale pahn tengeteng kohkohlahte
Duwehte maram eh kin pwarada pahnlahng ahnsou koaros.” (Selah)
38 Ahpw komwi me ketin kesehla oh soikala ih;+
Komw ketin engiengda pahn sapwellimomwi me keidio.
39 Komw ketin soikalahr inou lapo rehn sapwellimomwi laduwo;
Komw ketin kasaminelahr eh nihno* ni omw kesehdiong nanpwelo.
40 Komw ketin karangkedier eh kehl takai kan koaros;*
Komw ketin kauwehla douluhl eh wasa kelpene kehlail kan.
41 Koaros me kin keid limwah kin kulihasang eh dipwisou kan;
E wiahla mehkot kanamenek ong mehn mpe kan.+
42 Komw ketin wiahiongehr eh imwintihti kan ren kana;*+
Komw ketin kahrehiongehr eh imwintihti kan koaros ren perenda.
43 Komw ketin wiahiongehr nah kedlahso en sohla katepe,
Oh komw sohte ketin mweidohng en pweida nan mahwen.
44 Komw ketin kaimwisekala eh lingan
Oh sikendiong mwoale nanpwel.
45 Komw ketin kamalaulauwialahr rahnen eh pwulopwul;
Komw ketin kalikawihkidahr kanamenek. (Selah)
46 Maing Siohwa, ia erein omwi pahn ketin karirihkomwihla? E pahn kohkohlahte?+
Sapwellimomwi engieng pahn kin wie lullulte rasehng kisiniei?
47 Komw ketin tamanda uwen mwotomwot en ei mour!+
Ia duwe, sohte kahrepen omwi ketin kapikada aramas koaros?
48 Ihs me kak momourte oh sohte kilangedi mehla?+
E kak doarehla pein ih sang manaman en Sousou?* (Selah)
49 Maing Siohwa, ia sapwellimomwi wiewiahn limpoak loalopwoat kan en mahso,
Me komw ketin kahukihla ong Depit sang ni sapwellimomwi lelepek?+
50 Maing Siohwa, komw ketin tamanda kapailok kan me kohieng sapwellimomwi ladu kan;
Duwen ei anahne dadaurete pahn* kapailok en aramas koaros;
51 Duwen sapwellimomwi imwintihti kan ar lahlahwe, Maing Siohwa;
Duwen ar lahlahwe mehkoaros me sapwellimomwi me keidio ketin wia.
52 Kaping en kohwong Siohwa kohkohlahte. Amen oh Amen.+