Melkahka kan

43 Maing Koht, komw ketin kadeikiehda,+

Komw ketin utung ei repenpwung+ rehn wehi soaloalopwoat ehu.

Komw ketin kapitiesang rehn aramas widing oh suwed.

2 Pwe komwi me ei Koht, ei wasahn ruk kehlail.+

Dahme kahrehda komw ketin keseiehla?

Dahme kahrehda I en nsensuwed alialuseli pwehki kalokolok sang ei imwintihti?+

3 Komw ketin kadarodo sapwellimomwi marain oh mehlel.+

Mepwukat en kin kahluwa ie;+

Mepwukat en kin kaweidielahng sapwellimomwi nahna sarawio oh sapwellimomwi impwal sarawi lapo.+

4 Eri I ahpw pahn patohlahng ni pei sarawi en Koht,+

Rehn Koht me I kin uhdahn perenki.

Oh I pahn kapingahkin komwi keseng arp,+ Maing Koht, ei Koht.

5 Dahme sohkilahr ei koapworopwor?

Dahme I kin nohn pwunodki?

I pahn awiawih Koht,+

Pwe I pahn kapinga ih nin duwen Sounkomourpei Lapalap oh ei Koht.+