Melkahka kan
Ong sounpihtih keseng. En Depit melkahka.
13 Maing Siohwa, ia erein omwi pahn ketin likidmelieiehla? E pahn kohkohlahte?
Ia erein omwi pahn ketin karirihala sang ie silangomwi?+
2 Ia erein ei pahn pwunupwunodki
Pahtou me mi nan mohngiongiet ehuehu rahn?
Ia erein ei imwintihti kan ar pahn kin poweiehdi?+
3 Maing Siohwa ei Koht, komw ketin mahsendohng ie oh sapeng ie.
Komw ketikihong marain ni mesei kat, pwe I en dehr mehla,*
4 Pwe ei imwintihti kan en dehr nda: “I kalowedier!”
Komw dehr ketin mweidohng me pelian ie kan ren perenkihda ei pwupwudi.+
5 A duwen ngehi, I koapworopworki sapwellimomwi limpoak loalopwoat;+
Ei mohngiong pahn perenkihda sapwellimomwi wiewiahn komour kan.+
6 I pahn kouliong Siohwa, pwe e ketin katingih ie* ni mwuledek.+