Melkahka kan
96 Kumwail koulkihong Siohwa apwoat koul kapwen.+
Kumwail aramas koaros nin sampah, kumwail kouliong Siohwa!+
2 Kumwail kouliong Siohwa; kapinga mwareo.
Lohkiseli rohng mwahu en sapwellime komour ehuehu rahn.+
3 Kumwail lohkiseli sapwellime lingan nan wehi kan,
Oh sapwellime wiewia kapwuriamwei kan rehn aramas koaros.+
4 Siohwa me ketin lapalap oh me keieu warohng ale kaping.
E me lemmwin kowahlap sang koht teikan koaros.
6 Roson lapalap* oh lingan kin kapilpene;+
Sapwellime wasa sarawio uhdahn kaselel oh sapwellime kehl kin mi wasao.+
7 Kumwail kapinga Siohwa, kumwail peneinei en aramas koaros,
Kumwail kapinga Siohwa pwehki sapwellime lingan oh roson.+
8 Kumwail kapinga Siohwa pwehki mwareo warohng linganla;+
Kumwail patohwando kisakis oh patohla nan sapwellime wasa kelpeneo.
9 Kumwail poaridiong* Siohwa ni amwail likawih likou sarawi kan;*
Kumwail aramas koaros nin sampah, kumwail rerrer mwohn silangi!
10 Kumwail lohkihong wehi kan: “Siohwa ketin wialahr Nanmwarki!+
Sampah* koasoansoandi teng, e sohte kak mwekid.*
E pahn ketin kadeik* aramas akan ni pwung pahrek.”+
11 Nanleng en perenda, oh sampah en pereperen;
Sehd oh audepe kan koaros en ngirisek;+
12 Mohs akan oh audepahr kan koaros en perenda.+